Sardar Gurjari

સોમવાર, તા. ૩ ઓક્ટોબર, ૨૦૨૨, આસો સુદ ૮, વિ.સં. ૨૦૭૮, વર્ષ -૨૨, અંક -૧૦૮

મુખ્ય સમાચાર :
બંગાળના હાવડામાં કચરાના ઢગલામાંથી ૧૦ છોકરી અને ૭ છોકરાના ભ્રૃણ મળ્યા
નગરપાલિકાને જાણ કરવા છતાં કોઈ કાર્યવાહી ન કરતાં આખરે આરોગ્ય વિભાગે તપાસ આરંભી
18/08/2022 00:08 AM Send-Mail
પશ્ચિમ બંગાળના હાવડા જિલ્લાના ઉલુબેરિયા શહેરથી ચોંકાવનારી ઘટના સામે આવી છે. અહીં કચરાના ઢગલામાંથી ૧૭ ભ્રૂણ મળ્યા છે. ઉલુબેરિયાના બનિબાલા ખારા વિસ્તારમાં વોર્ડ નંબર ૩૧માં મળેલા આ ભ્રૂણમાંથી ૧૦ છોકરીના અને ૭ છોકરાના છે. દરેક ભ્રૂણને પોસ્ટમોર્ટમ માટે હોસ્પિટલ મોકલવામાં આવ્યા છે.

સૂત્રોના જણાવ્યા પ્રમાણે, જ્યારે નગરપાલિકાના સફાઈ કર્મચારી ત્યાં કચરો ભરવા ગયા ત્યારે તેમણે પ્લાસ્ટિકની થેલીમાં ભ્રૂણ જોયા હતા. પોલીસે તપાસ શરૃ કરી દીધી છે. માનવામાં આવે છે કે ઉલુબેરિયા આસપાસ ઘણી હોસ્પિટલો છે. લોકોને શંકા છે કે ગર્ભપાત પછી ભ્રૂણને ડમ્પિંગ ગ્રાઉન્ડમાં ફેંકવામાં આવ્યા છે.

ઘટનાની માહિતી મળતાં જ આસપાસના લોકો પણ ઘટનાસ્થળે પહોંચી ગયા છે. સ્થાનિક લોકોએ નગરપાલિકાને આ વિશે ફરિયાદ પણ કરી હતી, પરંતુ અત્યાર સુધી કોઈ કાર્યવાહી કરવામાં આવી નહોતી. હવે જિલ્લા સ્વાસ્થ્ય વિભાગના ઉચ્ચ અધિકારીએ વાતને ગંભીરતાથી લીધી છે. અધિકારીઓને ઘટનાની તપાસ કરવાનું કહેવામાં આવ્યું છે. એ ઉપરાંત ત્યાં આવેલી સ્થાનિક નર્િંસગ હોમ અને તેની આસપાસના સીસીટીવી ફૂટેજ પણ લાવવાનું કહેવામાં આવ્યું છે, જેથી ડમ્પિંગ ગ્રાઉન્ડમાં આ ભ્રૂણ ફેંકનારા લોકોની ઓળખ કરી શકાય. ઉલુબેરિયામાં દોઢ કિમી વિસ્તારમાં ૩૦ જેટલી પ્રાઈવેટ હોસ્પિટલો છે, તેથી ત્યાંના સ્થાનિકો અને પોલીસને શંકા છે કે ત્યાં ગર્ભપાત પછી ભ્રૂણને ડમ્પિંગ ગ્રાઉન્ડમાં ફેંકવામાં આવ્યા છે. ઘટનાની જાણ થતાં નગરપાલિકાના ઉપાધ્યક્ષ ઈમાનુર રહેમાન ઘટનાસ્થળે પહોંચ્યા હતા. સ્થાનિક લોકોએ જણાવ્યું કે આ બધા ભ્રૂણ ઘણીવાર સુધી ડમ્પિંગ ગ્રાઉન્ડમાં પડયા રહ્યા હતા. એની આસપાસ કૂતરા ફરતા હતા. નગરપાલિકાને જાણ કરવા છતાં કોઈ કાર્યવાહી કરવામાં આવી નહોતી.

ટીમ ઇન્ડિયાએ સાઉથ આફ્રિકાને ૧૬ રને હરાવ્યું

RBIએ રેપો રેટમાં ૦.૫૦ ટકાનો વધારો કરતાં હોમ, ઓટો લોન સહિત તમામ EMI પણ વધશે

સુરતથી મુંબઈ એમ્બ્યુલન્સમાં લઈ જવાતી ૨૫.૮૦ કરોડની નકલી નોટો ઝડપાઈ

વ્યાભિચાર પરિવારોને તોડી નાખે છે, આવા કેસને ગંભીરતાથી લેવાની જરૂર : સુપ્રીમ

મોહન ભાગવતને રાષ્ટ્રપિતા કહેવા બદલ ઓલ ઈન્ડિયા ઈમામ ઓર્ગનાઈઝેશના વડા ઈમામને ‘સર તન સે જુદા’ની ધમકી

નોઈડામાં ફરી એકવાર શ્રીકાંત ત્યાગીની ગ્રાન્ડ ઓમેક્સ સોસાયટીમાં ગેરકાયદે બાંધકામો પર બુલડોઝર ફેરવાયું

ખડગે-થરૂર-ત્રિપાઠીએ કોંગ્રેસ પ્રમુખની ચૂંટણી માટે ઉમદવારી પત્રકો ભર્યા : ત્રિકોણીય હરીફાઈ થશે ?

સંસદની નવી ઈમારત પર સ્થાપિત ત્રણ સિંહોની મુખાકૃતિમાં કોઈ નિયમ ભંગ નથી : સુપ્રીમ