અમદાવાદ સિંચાઇ યોજના વર્તુળના પૂર નિયંત્રણ કક્ષના ના.કાર્યપાલક ઇજનેરની યાદી અનુસાર સંત સરોવરનું જળ સ્તર પ૪.ર૦ મીટર થવાથી તેના ૧૦ ગેટ ખોલીને સાબરમતી નદીમાં ૩૧૮ર૯ કયૂસેક પાણી છોડવામાં આવી રહ્યું છે. જયારે વાસણા બેરેજમાં જળ સ્તર ૧ર૭ ફુટ પહોંચતા ૧૧ ગેટ ખોલીને સાબરમતી નદીમાં ૧૬૦ર૧ કયૂસેક પાણી છોડવામાં આવી રહ્યું છે. જેથી નદીઓના વધતા જળસ્તરના કારણે કાંઠા વિસ્તારના આણંદ જિલ્લાના ગામોને એલર્ટ કરવામાં આવ્યાનું જાણવા મળે છે. જેમાં પૂરથી પ્રભાવિત મહી નદીના નીચાણવાળા વિસ્તારોમાં આણંદ તાલુકામાં ખાનપુર, ખેરડા, આંકલાવડી અને રાજુપુરા. ઉમરેઠમાં પ્રતાપપુરા અને ખોરવાડ. બોરસદમાં ગાજણા, સારોલ, કંકાપુરા, નાની શેરડી, કોઠીયાખાડ, દહેવાણ, બદલપુર અને વાલવોડ. આંકલાવમાં ચમારા, બામણગામ, ઉમેટા, ખડોલ(ઉ), સાંખ્યાડ, કહાનવાડી, આમરોલ, ભાણપુર, આસરમા, નવાખલ, ભેટાસી વાંટા અને ગંભીરાનો સમાવેશ થાય છે. પૂરથી પ્રભાવિત થતા સાબરમતી નદીના નીચાણવાળા ગામોમાં તારાપુર તાલુકામાં ગલીયાણા, રીંઝા, ખડા, મિલરામપુરા, ચીતરવાડા, દુગારી, નભોઇ, મોટા કલોદરા, ફતેપુર, પચેગામ અને કસ્બારા તથા ખંભાતમાં ગોલાણા અને પાંદડનો સમાવેશ થાય છે. વાવાઝોડાથી પ્રભાવિત થનાર ગામોમાં ખંભાત તાલુકામાં પાંદડ, તરકપુર, મીતલી, વૈણજ, નવાગામબારા, જૂની આખોલ, લુણેજ, રાલજ, ખંભાત, વડગામ (તડા તળાવ), કલમસર (બાજીપુરા) અને ધુવારણ તેમજ બોરસદ તાલુકામાં ગાજણા, કંકાપુરા અને બદલપુરનો સમાવેશ થાય છે.

અમદાવાદ સિંચાઇ યોજનાના પૂર નિયંત્રણ કક્ષના ના.કાર્યપાલક ઇજનેરે યાદીમાં જણાવ્યું હતું કે, સાબરમતી નદી સ્થિત ધરોઇ ડેમમાં પાણીની વધુ આવકના પગલે પાણી નદીમાં છોડવામાં આવી રહ્યું છે. જેમાં ધરોઇ ડેમની નીચે વાસમાં ૬૬૮૦૦ કયુસેક પાણી સાબરમતી નદીમાં છોડવામાં આવી રહ્યું છે જે આગામી સમયમાં ૧ લાખ કયુસેક સુધીનો પ્રવાહ થઇ શકે છે. આથી અમદાવાદ શહેરના નદી કાંઠાના વિસ્તારો, ધોળકા તાલુકાના આંબલિયારા, ચંડીસર, જલાલપુર વજીફા, ખત્રીપુર, રાજપુર, સરોડા, સાથલ તેમજ ખેડા જિલ્લાના માતર તાલુકાના રસિકપુર, વારસંગ અને ખેડા તાલુકાના નાની કલોલી, મોટી કલોલી, રઢુ, પથાપુરા, કઠવાડા ગામોને સાવચેત કરવામાં આવ્યા છે. આ ઉપરાંત આણંદ જિલ્લામાં સાબરમતી કાંઠા વિસ્તારના ગોલાણા સહિતના ગામોને પણ આ સ્થિતિની અસર થવાની સંભાવના વ્યકત કરવામાં આવી છે. જેથી આ ગામોના નાગરિકોને સાબરમતી નદીના કાંઠે ન જવા તેમજ સાવચેતી દાખવવા કા.ઇજનેર મકવાણાએ જણાવ્યું હતું.