Sardar Gurjari

શુક્રવાર, તા. ૩ ફેબ્રુઆરી, ૨૦૨૩, મહા સુદ ૧૩, વિ.સં. ૨૦૭૯, વર્ષ -૨૨, અંક -૨૨૭

મુખ્ય સમાચાર :
બોરીઆવી : ખાતેદારની રોકાણ રકમ રૂ.૧.૯૮ લાખ વ્યાજ સહિત ચૂકવવા ક્રેડિટ સોસાયટીને ગ્રાહક કોર્ટનો હુકમ
પાકતી મુદ્દતે રકમ પરત મેળવવા વારંવાર ધકકા અને નોટિસ આપવા છતાં નાણાં ન મળતા અંતે ગ્રાહક કોર્ટમાં ફરિયાદ
08/12/2022 00:12 AM Send-Mail
બોરીયાવીના રહિશે ગામની ક્રેડિટ સોસાયટીમાં દૈનિક બચત યોજનામાં નાણાંનું રોકાણ કર્યુ હતું. જેની પાકતી મુદ્દતે તેઓએ રકમ પરત મેળવવા ક્રેડિટ સોસાયટીમાં રુબરુ જવા છતાંયે રકમ પરત મળી નહતી. આથી તેઓએ ન્યાય મેળવવા જિલ્લા ગ્રાહક તકરાર નિવારણ કમિશન, આણંદમાં ફરિયાદ કરી હતી. જેમાં કોર્ટે બચત રોકાણની તમામ વિગતો સહિતના દસ્તાવેજો ચકાસીને ફરિયાદીને રોકાણ રકમ રૂ.૧.૯૮ લાખ વ્યાજ સહિત ચૂકવવા ક્રેડિટ સોસાયટીને હુકમ કર્યો હતો.

મળતી વિગતોમાં બોરીયાવીમાં રહેતા અને ખેતી સાથે સંકળાયેલા મૌલેશભાઇ પટેલે શ્રી સંતરામ કો.ઓ.ક્રેડિટ સોસાયટી લી.બોરીયાવીમાં પિગ્મી ડિપોઝીટ યોજના હેઠળ રીકરીંગ બચત ખાતું ખોલાવ્યું હતું. ઓગસ્ટ ર૦૧૭થી જુલાઇ ર૦૧૮ની મુદ્દત દરમ્યાનના ખાતામાં દૈનિક બચત પાસબુક તેઓને આપવામાં આવી હતી. જેથી ક્રેડિટ સોસાયટીના મિતેશભાઇ પટેલ મૌલેશભાઇના ઘરે આવીને રીકરીંગની રકમ લઇ જતા અને પાસબુકમાં એન્ટ્રી કરી આપતા હતા.

દરમ્યાન ક્રેડિટ સોસાયટીના એજન્ટે રીકરીંગની રકમ લેવા આવવાનું બંધ કર્યુ હતું. જે અંગે મૌલેશભાઇએ ક્રેડિટ સોસાયટીમાં પૂછપરછ કરવા છતાં સ્પષ્ટ જવાબ મળ્યો ન હતો. જો કે આ સમયગાળામાં તેઓએ રૂ. ૪,ર૮,૯૦૦ જમા કરાવ્યા હતા. જેમાંથી ર,૩૦,૦૦૦નો ઉપાડ કર્યો હતો. જેથી તેઓના ખાતામાં ૧,૯૮,૦૦૦ જમા રકમ હતી. આ અંગેની પાસબુકમાં વિગતવાર નોંધ પણ હતી. ત્યારબાદ પાકતી મુદ્દતે તેઓએ રકમ પરત માંગતા મેનેજર દ્વારા જણાવાયું હતું કે, હાલમાં સોસાયટીની આર્થિક સ્થિતિ સારી નથી અને નાણાં આવતા નથી. જેથી નાણાંની રીકવરી થતી નથી. નાણાં આવ્યેથી ચૂકવી આપવામાં આવશે. ત્યારબાદ લોકડાઉનનો સમયગાળો આવતા રકમ પરત આપવામાં સોસાયટીએ ખાસ્સો વિલંબ દાખવ્યો હતો. જો કે ખેતીકામમાં નાણાંની જરુરિયાત ઉભી થતા મૌલેશભાઇએ પુન: ક્રેડિટ સોસાયટીમાં જઇને પોતાના પાકતી ડિપોઝીટના નાણાં પરત માંગ્યા હતા. પણ ન મળતા તેઓએ વકીલ મારફતે નોટિસ પણ આપી હતી. જે સ્વીકારવાનો ક્રેડિટ સોસાયટીના મેનેજર, ચેરમેને ઇન્કાર કર્યો હતો. આથી મૌલેશભાઇએ ગ્રાહક કોર્ટમાં ફરિયાદ કરી હતી. જો કે ગ્રાહક કોર્ટમાં ક્રેડિટ સોસાયટીના કોઇ પ્રતિનિધિએ હાજર થઇને કોઇ જવાબ રજૂ કર્યો નહતો.આથી કોર્ટે એકતરફી કેસ ચલાવવાનો નિર્ણય કર્યો હતો. કોર્ટે નોંધ્યું હતું કે, ફરિયાદી માંગ્યા મુજબની દાદ પેટે સ્કીમ મુજબ રોકેલ રકમો અંગે ક્રેડિટ સોસાયટી પાસેથી ૧,૯૮,૯૦૦ પરત મેળવવા હકકદાર જણાય છે અને તે નહી ચૂકવીને ક્રેડિટ સોસાયટી તરફથી સેવાકીય ખામી દાખવવામાં આવી છે. આ કેસમાં કોર્ટે ફરિયાદીને ૧,૯૮,૯૦૦ અરજી દાખલ કર્યા તારીખથી વાર્ષિક ૯ ટકા લેખે પરત વસૂલ આપવા તેમજ માનસિક ત્રાસ પેટે રૂ. ૩ હજાર અને અરજ ખર્ચના રૂ. ર હજાર ચૂકવવા હૂકમ કર્યો હતો.

આણંદમાં લાયસન્સ વિના, ગેરકાયદે માંસ-મટન વેચતી ૪૦થી વધુ દુકાનો હોવાનું હવે તંત્રના ધ્યાને આવ્યું, સીલ મરાશે

તારાપુર એપીએમસીની ૧૭ એપ્રિલે ચૂંટણી જાહેર, રાજકીય ગરમાવો

બોરસદમાં ગેસ પાઇપ લાઇનનું પુન:ખાતમુહૂર્ત થયાનું શહેરીજનોમાં આશ્ચર્ય

પેટલાદમાં ભાડા વસૂલાતનો ઇજારો મેળવનાર એજન્સીને પાલિકાએ બ્લેક લીસ્ટ કરી

ભાદરણ રામબાગ પેલેસ નજીક સ્કૂલ બસ પલ્ટી મારતાં ૪ વિદ્યાર્થીઓ ઘાયલ

ગામડાંમાં વેરો ભરવામાં ઉદાસીનતા : ૩૧ ડિસે. સુધી આણંદ જિલ્લાની કુલ વસૂલાત સરેરાશ માત્ર ૨ ટકા

આણંદ : કેન્દ્રિય બજેટમાં સામાન્ય માનવી, ધંધા-રોજગાર અને ઔદ્યોગિક એકમોએ કયા ખોયા, કયા પાયા વિશે નિષ્ણાંતોનો મત

ઓડના ચીફ ઓફિસરને ર૪ કલાક પૂરા થતા પહેલા સોજીત્રાનો ચાર્જ છીનવાયો, પેટલાદ સીઓને ઇન્ચાર્જપદ