-એલઇડી ટેલિવિઝન -ઇલેકિટ્રક વ્હીકલ -કેમેરા લેન્સ -સાયકલ -રમકડા -મોબાઇલના સ્પેર પાર્ટસ -બાયોગેસ સંબંધિત વસ્તુઓ -ઇ-બેટરીને કસ્ટમ ડયુટીમાં રાહત

-ઘરની ઇલેકટ્રિક રસોઇ ચીમની -સિગારેટ અને તમાકુ બનાવટ મોંઘી થશે -વિદેશી કિચન ચીમની -વિદેશી ચાંદીના વાસણો -ચાંદીના ઘરેણાં -સોનું -ચાંદીઅને પ્લેટિનેમ ઘરેણાં -ઇમ્પોર્ટેડ દરવાજા

-કેવાયસી પ્રોસેસ સરળ કરવા હવેથી દેશભરમાં પાન કાર્ડ ઓળખપત્ર તરીકે માન્ય ગણાશે -આગામી નાણાંકીય વર્ષમાં રેલ્વેમાટે ૨.૪૦ લાખ કરોડ રૂપિયાની જોગવાઇ કરાશે -આગામી એક વર્ષ સુધી મફત અનાજ યોજના, આ માટે બે લાખ કરોડ રૂપિયાનું બજેટ -મૂડી રોકાણનો ખર્ચ ૩૩ ટકા વધારી ૧૦ લાખ કરોડ રૂપિા કરાઇ રહયો છે, જે જીડીપીના ૩.૩ ટકા હશે -૫જી પર સંશોધન માટે એન્જિનિયરિંગ કોલેજોમાં ૧૦૦ લેબ બનશે -એઆઇ માટે સેન્ટર ફોર ઇન્ટેલિજન્સ -મ્યુનિસિપલ કોર્પોરેશનો તેમના પોતાના બોન્ડ લાવી શકશે -પ્રધાનમંત્રી આવાસ યોજનાનો ખર્ચ ૬૬ ટકા વધારી ૭૯ હજાર કરોડ રૂપિયાથી વધુનો કરાશે. -આગામી ત્રણ વર્ષમાં આદિવાસી વિદ્યાર્થીઓને સમર્થન આપતા ૭૪૦ એકલવ્ય મોડલ સ્કુલો માટે ૩૮૮૦૦ શિક્ષકોઅને સહાયક કર્મચારીઓની નિમણૂક કરાશે. -દેશમાં ૫૦ નવા એરપોર્ટ બનશે.

કેન્દ્રીય નાણામંત્રી નિર્મલા સીતારમણે બુધવારે દેશનું બજેટ રજૂ કર્યુ. જેમાં રક્ષાક્ષેત્રના ખર્ચની વિગતો પણ આપવામાં આવી છે. બજેટ દસ્તાવેજો અનુસાર, આ વર્ષ સંરક્ષણ બજેટ ૫.૯૪ લાખ કરોડ રૂપિયા નકકી કરવામાં આવ્યું છે, જે ૨૦૨૨-૨૩ના ૫.૨૫ લાખ કરોડ રૂપિયાના બજેટ કરતાં ૧૨.૯૫ ટકા વધુ છે. એટલે કે ફરી એકવાર સંરક્ષણ બજેટમાં વધારો નોંધવામાં આવ્યો છે. શસ્ત્રો, વિમાનો, લશ્કરી સાધનો માટે કેટલું બજેટ? નાણામંત્રી નિર્મલા સીતારમણે બુધવારે સંસદમાં સામાન્ય બજેટ રજૂ કર્યુ. જેમાં મૂડી ખર્ચ માટે કુલ ૧.૬૨ લાખ કરોડ રૂપિયા અલગ રાખવામાં આવ્યા છે. જેમાં નવા હથિયારો, વિમાન, યુદ્ઘ જહાજો, અને અન્ય લશ્કરી સાધનોની ખરીદીનો સમાવેશ થાય છે. નોંધનીય છે કે નાણાંકીય વર્ષ ૨૦૨૨-૨૩ મૂડીખર્ચ માટે અંદાજપત્રીય ફાળવણી રૂા. ૧.૫૨ લાખ કરોડ હતી, પરંતુ સુધારેલા અંદાજ મુજબ ખર્ચ રૂા. ૧.૫૦ લાખ કરોડ હતો. પગાર ચૂકવવા માટે કેટલું બજેટ ફાળવ્યું ? આગામી નાણાકીય વર્ષ માટેના બજેટ દસ્તાવેજો અનુસાર,મહેસૂલ ખર્ચ માટે રૂા. ૨,૭૦,૧૨૦ કરોડની ફાળવણી કરવામાં આવી છે, જેમાં પગારની ચૂકવણી અને સંસ્થાઓની જાળવણી પરના ખર્ચનો સમાવેશ થાય છે. નાણાકી વર્ષ ૨૦૨૨-૨૩માં મહેસૂલખર્ચ માટે અંદાજપત્રી ફાળવણી રૂા. ૨,૩૯,૦૦૦ કરોડ હતી. ૨૦૨૩-૨૪ના બજેટમાં, સંરક્ષણ મંત્રાલય (નાગરિક)માટે મૂડી ખર્ચ રૂા. ૮,૭૭૪ કરોડ રાખવામાં આવ્યો છે, જયારે મૂડી ખર્ચ હેઠળ રૂા. ૧૩,૮૩૭ કરોડની રકમ ફાળવવામાં આવી છે. સંરક્ષણ પેન્શન માટે ૧,૩૮,૨૦૫ કરોડ રૂપિયાની રકમ અલગથી ફાળવવામાં આવી છે. પેન્શન ખર્ચ સહિત કુલ આવક ખર્ચ રૂા. ૪,૨૨,૧૬૨ કરોડ હોવાનો અંદાજ છે. બજેટ દસ્તાવેજો અનુસાર, સંરક્ષણ બજેટનું કુલ કદ રૂા. ૫,૯૩,૫૩૭.૬૪ કરોડ છે. ચીન સામે ભારત કયાં ઊભું છે ? બીજી તરફ ચીનની વાત કરીએ તો તેનું બજેટ દર વર્ષ માર્ચમાં આવે છે. ગયા વર્ષ, કમ્યુનિસ્ટ પાર્ટીએ ચીનના સંરક્ષણ મંત્રાલય માટે ૧.૪૫ ટ્રિલિયન યુઆન એટલે કે ભારતીય રૂપિયામાં ૧૮ લાખ ૭૭ હજાર કરોડ ખર્ચ્યા હતા. આ ભારત કરતાં સંરક્ષણ પાછળ ત્રણ ગણો ખર્ચ છે. જોકે, સંરક્ષણ બજેટમાં વધારાના આંકડાઓ પર નજર કરીએ તો, ભારતે આ વખતે તેના સંરક્ષણ બજેટમાં ૧૨.૯૫ ટકાનો વધારો કર્યો છે, જયારે ચીને ગયા વખતે તેના બજેટમાં માત્ર ૭.૧ ટકાનો વધારો કર્યો હતો.

છેલ્લા ઘણા વર્ષોમાં ભારતીય એથલીટસે વિશ્વમાં ડંકો વગાડયો છે. ઓલિમ્પિક હોય કે કોમનવેલ્થ ગેમ્સ ભારતની પદકોની સંખ્યામાં વધારો જોવા મળ્યો છે. આ પાછળ કેન્દ્ર સરકાર દ્વારા રમત અને ખેલાડી પર કરવામાં આવતા ખર્ચાનું ખૂબ યોગદાન રહયું છે. આ વખતે પણ સરકાર દ્વારા સ્પોર્ટસને વધુ પ્રોત્સાહન મળે તે માટે વિશેષ ધ્યાન રાખવામાં આવ્યું છે અને તેના માટે ગત વર્ષ કરતા વધારે બજેટ ફાળવવામાં આવ્યું છે. આજે કેન્દ્ર સરકાર દ્વારા આમ બજેટ રજૂ કરવામાં આવ્યું હતું. નાણામંત્રી નિર્મલા સીતારમણે સંસદમાં બજેટ રજૂ કર્યુ હતું અને ઘણા ક્ષેત્રો માટે કરોડો રૂપિયાનું એલાન કર્યુ હતું. જો રમત મંત્રાલયના બજેટને જોવામાં આવે તો આ વર્ષ વધારો કરવામાં આવ્યો હતો. કેન્દ્ર સરકારે યુવા અને રમત મંત્રાયલ માટે ૩૩૮૯ કરોડ રૂપિયાના બજેટની જાહેરાત કરી છે જે ગત વર્ષ કરતા ઘણો વધારો કર્યો છે. ગત વર્ષ ૨૦૨૨-૨૩ના બજેટમાં યુવા અને રમત મંત્રાલય માટે ૨૬૭૧ કરોડ રૂપિયાનું બજેટ ફાળવવામાં આવ્યું હતું.

આ વર્ષ બજેટમાં ૩૩૮૯ કરોડ ફાળવવામાં આવ્યા છે. મોદી સરકાર દ્વારા ખેલો ઇન્ડિયાના બજેટમાં ૪૦૦ કરોડ રૂપિયાનો વધારો કર્યો છે હવે આ બજેટ ૧૦૦૦ કરોડ રૂપિયાનું કરી દેવામાં આવ્યું છે. જમ્મુ કાશ્મીરમાં રમતોને પ્રોત્સાહન આપવા માટે ૧૫ કરોડ રૂપિયા ફાળવવામાં આવ્યા છે. આ ઉપરાંત કેન્દ્ર સરકારે નેશનલ સ્પોર્ટસ યુનિવર્સિટી માટે ૧૦૭ કરોડ રુપિયા ફાળવવામાં આવ્યા છે. રાષ્ટ્રીય રમત ફેડરેશનની સહાયતાનું બજેટ બંધ કરી દેવામાં આવ્યું છે. ગત વર્ષે આમાં ૨૮૦ કરોડ રૂપિયા ફાળવવામાં આવ્યા હતા.

કેન્દ્રીય નાણામંત્રી નિર્મલા સીતારમણે નાણાકીય વર્ષ ૨૦૨૩-૨૪નું બજેટ રજૂ કર્યુ. સરકારે વિવિધ વર્ગો માટે ઘણી મોટી જાહેરાતો કરી છે.મિડલ કલાસને ટેકસ સ્લેબમાં મોટી છૂટ આપવામાં આવી હતી. તો નોકરીયાત અને બિઝનેસમેનને અલગ-અલગ રીતે રાહત આપવાના પ્રયાસો કરવામાં આવ્યા હતા. જયારે, સરકારે ગરીબો માટે તેની તિજોરી ખોલી. સરકારે આ વખતે બજેટમાં મફત રાશનની યોજનાથી લઇને જેલમાં બંધ ગરીબોને મુકત કરવા સુધીના મુદ્દા સામેલ કર્યા છે. મફત આવાસ યોજના પર પણ સરકારે બજેટમાં વધારો કર્યો. આવાસ યોજનાનું બજેટ ૬૬ ટકા વધ્યું બજેટમાં કેન્દ્ર સરકારની સૌથી મોટી જાહેરાત ગરીબો માટેની આવાસ યોજનાને લઇને હતી. ગયા વર્ષની સરખામણીમાં આ વખતે સરકારે આવાસ યોજનાના બજેટમા ૬૬ ટકાનો વધારો કર્યો છે. ગત વખતે આવાસ યોજના માટે ૪૮ હજારો કરોડ રૂપિયા ફાળવવામાં આવ્યા હતા. તેના દ્વારા દેશભરમાં ગ્રામીણ અને શહેરી વિસ્તારોમાં કુલ ૮૦ લાખ મકાનો બનાવવામાં આવ્યા હતા. પીઆઇબીની સૂચના અનુસાર, ૩ જાન્યુઆરી, ૨૦૨૨ સુધી કુલમ ૧.૧૪ કરોડ મકાનો મંજૂર કરવામાં આવ્યા હતા,જેમાંથી ૫૩.૪૨ લાખ ઘરો બાંધવામાં આવ્યા છે અને પહોંચાડવામાં આવ્યા છે. નોટિફિકેશનમાં કહેવામાં આવ્યું છે કે નવી ટેકનોલોજીનો ઉપયોગ કરીને ૧૬ લાખ મકાનો બનાવવામાં આવી રહયા છે. ગરીબ પરિવારોને આવતા વર્ષ સુધી મફત રાશન કેન્દ્ર સરકારે આગામી વર્ષ એટલે કે ૨૦૨૪ સુધી તમામ અંત્યોદયઅને પ્રાથમિકતા ધરાવતા પરિવારોને મફત અનાજ આપવાની જાહેરાત કરી છે. પીએમ ગરીબ કલ્યાણ અન્ન યોજના હેઠળ લગભગ બે લાખ કરોડ રૂપિયાનું બજેટ રાખવામાં આવ્યું છે.