કપડવંજના બેટાવાડા રોડ પર પીકઅપ ડાલાએ બાઈકને ટક્કર મારતાં પુત્રનું મોત : દાદી-પૌત્ર ઘાયલ
ચારણ નિકોલ ખાતે રહેતા પંકજભાઈ માતા મધુબેનની દવા લેવા માટે પુત્ર પ્રતિક સાથે ત્રણ સવારી બાઈક પર બેટાવાડા જતા હતા ત્યારે સર્જાયેલો અકસ્માત
કપડવંજના બેટાવાડા રોડ પર પુરપાટ ઝડપે આવી પહોંચેલા પીકઅપ ડાલાના ચાલકે મોટર સાયકલને ટક્કર મારતાં મોટર સાયકલ ચાલકનું મોત થયું છે. જ્યારે પાછળ બેઠેલા માતા-પુત્રને ઈજા પહોંચી હતી. આ બનાવ મામલે કપડવંજ ટાઉન પોલીસે પીકઅપ ડાલાના ચાલક વિરૃધ્ધ ગુનો દાખલ કરીને કાર્યવાહી હાથ ધરી છે.
મળતી માહિતી મુજબ કઠલાલ તાલુકાના ચારણનિકોલ ગામે રહેતા જશુભાઈ કાનજીભાઈ વાઘેલાના વિધવા ભાભી મધુબેનને છેલ્લા કેટલાય સમયથી પગના ભાગે સોજો આવતા રોજણ નામની બીમારીથી પીડાઈ રહ્યા છે. ગતરોજ મધુબેન તથા તેમના મોટા દીકરા પંકજભાઈ (ઉ.વ.૩૨) અને આ પંકજભાઈનો પુત્ર પ્રતીક એમ ત્રણેય ે મોટર સાયકલ પર બેસી મધુબેનની દવા લેવા માટે કપડવંજ તાલુકાના બેટાવાડા ગામે જઈ રહ્યા હતા.
પંકજભાઈ મોટર સાયકલ ચલાવતા હોય તેઓ ત્રીપલ સવારી કપડવંજના બેટાવાળા રોડ ઉપરથી પસાર થઈ રહ્યા હતા. ત્યારે સુલતાનપુરા ગામની સીમમાં સામેથી પુરપાટે આવેલ પીકઅપ ડાલાના ચાલકે ઉપરોક્ત પંકજભાઈના મોટર સાયકલને ટક્કર મારી હતી. જેના કારણે ચાલક પંકજભાઈ સહિત પાછળ બેઠેલ તેઓની માતા મધુબેન અને પુત્ર પ્રતિક રોડ ઉપર પટકાતા શરીરે ગંભીર પ્રકારની જાઓ પહોંચી હતી. આસપાસના લોકોએ ઘવાયેલા ત્રણેય લોકોને સારવાર અર્થે હોસ્પિટલમાં ખસેડયા હતા. આ પૈકી ગંભીર રીતે ઘવાયેલા પંકજભાઈને વધુ સારવાર અર્થે અમદાવાદ લઈ જતા હતા ત્યારે ું રસ્તામાં જ મોત નિપજ્યું હતું.
આ બનાવ સંદર્ભે મરણજ નારના કાકા જશુભાઈ કાનજીભાઈ વાઘેલાએ કપડવંજ ટાઉન પોલીસમાં ઉપરોક્ત પીકઅપ ડાલા ચાલક સામે ફરિયાદ આપતા પોલીસે ગુનો દાખલ કરીને તેને ઝડપી પાડવાના ચક્રો ગતિમાન કર્યા છે.