Sardar Gurjari

મંગળવાર, તા. ૨૬ સપ્ટેમ્બર, ૨૦૨૩, ભાદરવા સુદ ૧૨, વિ.સં. ૨૦૭૯, વર્ષ -૨૩, અંક -૧૦૧

મુખ્ય સમાચાર :
નરસંડામાં ઠાકોર કોમના બે પરિવાર વચ્ચે નજીવી બાબતે ધીંગાણું : પાંચ ઘાયલ
યુવાનની મશ્કરી તેમજ દારૂખાનું ફોડવા બાબતે બન્ને પક્ષો વચ્ચે લાકડાના ડંડા તેમજ લોખંડની પાઈપથી થયેલી સામસામી મારામારી
25/05/2023 00:05 AM Send-Mail
નડિયાદના નરસંડા ગામ ખાતેની રબારી ભાગોળે સામાન્ય બાબતે ઠાકોર કોમના બે પરિવાર વચ્ચે થયેલ મારામારીમાં બંને પક્ષે મળી પાંચ વ્યક્તિઓ ઘાયલ થયા હોવાના બનાવની ચકલાસી પોલીસ મથકે સામસામે ફરિયાદ નોંધાવા પામી છે.

નરસંડા ગામની ચકલાસી ભાગોળ માલાવાડામાં રહેતા સતીષ ઉર્ફે સતલો અશોક ઠાકોર (ઉં.વ.૨૫)એ નોંધાવેલ ફરિયાદ મુજબ તેના કાકા દશરથ ઉર્ફે મફત જયરામ ઠાકોરના દીકરા રોનકને નજીકમાં રહેતા અજીત ઉર્ફે ગોપાલ નટુ પરમાર થોડા સમયથી ચીઢવતો હતો. જે બાબતે દશરથ ઉર્ફે મફતે ગઈકાલે સાંજના સમયે અજીત ઉર્ફે ગોપાલ અને તેના મિત્રોને ઠપકો આપ્યો હતો. જેને પગલે બંને પક્ષ વચ્ચે સામાન્ય બોલાચાલી થયા પછી સમાધાન થયું હતું.

ત્યારબાદ આ બધી સતીષ ઉર્ફે સતલાના મંગળફૂવા તકરાર કરાવી રહ્યા છે તેમ જણાવી અજીત ઉર્ફે ગોપાલ તેના મિત્રો ભરત બાબુભાઈ વાઘેલા તથા હસમુખ રમેશભાઈ પરમારને લઈ સતીષ ઉર્ફે સતલાના ફુવાના ઘરે ગયો હતો અને ત્રિપુટી તેમને ગાળો બોલતી હોય સતીષ ઉર્ફે સતલો તેમજ પડોશમાં રહેતા મફત હરમાનભાઈ પરમાર તથા તેના દિકરા પરેશ મફતભાઈ પરમારે ત્રિપુટીને ગાળો બોલવાની ના પાડી હતી. જેને લઈ ઉશ્કેરાયેલ અજીત ઉર્ફે ગોપાલ તેના મિત્રો ભરત વાઘેલા અને હસમુખ પરમાર લોખંડની પાઈપ તેમજ લોખંડની એંગલ અને લાકડી વડે હૂમલો કરી ત્રણેયને ઈજા પહોંચાડી હતી. સામા પક્ષે નરસંડા ગામમાં રબારી ભાગોળ માલાવાડમાં રહેતા ભરતભાઈ બાબુભાઈ વાઘેલા (ઉં.વ.૩૨) નોંધાવેલ ફરિયાદ મુજબ ફળિયામાં અમારો તેમજ મફત જયરામભાઈ ઠાકોરના બે પક્ષ પાડ્યા છે. બંને પક્ષો દ્વારા તહેવારોની અલગ-અલગ ઉજવણી કરવામાં આવે છે. ભરતના ઘેર તા. ૨૧મેના રોજ ઉજવવામાં આવેલ માતાજીના પ્રસંગમાં તેના પક્ષના છોકરાઓએ દારૂખાનું ફોડ્યું હતું. એ સંદર્ભ મફતભાઈ ઠાકોર અને તેના પક્ષના લોકો ગઈકાલે સવારના સમયે ચર્ચા કરી હતી એની જાણના પગલે સાંજના સમયે ભરતભાઈ અને કુટુંબી ભાઈ રાજુ જશુ પરમારે મફત જયરામ પરમારને ભાગોળે બોલાવી સમજાવ્યા હતા પછી બંને મંગળફુવાના ઘરે ગયા હતા. આ સમયે ફળિયામાં ગાળો બોલતા આવેલ કીશન મફત પરમાર, સતીષ અશોક ઠાકોર, પરેશ મફત પરમાર તથા મફત હરમાન પરમારે ઝઘડો કર્યો હતો અને ચંડાળ ચોકડીએ આ લોકોને મારી નાંખીએ તેમ જણાવી લાકડા ડંડા તેમજ લોખંડની પાઈપ વડે હૂમલો કરી ભરત વાઘેલા અને છોડાવવા વચ્ચે પડેલ ભાઈ અજીત ઉર્ફે નટુને ઈજા પહોંચાડી હતી. આ દરમ્યાન બૂમાબૂમના પગલે ભરત વાઘેલાના પક્ષના લોકો દોડી આવતા ચંડાળ ચોકડી તેના પક્ષના લોકોના મકાન પર પથ્થમારો કરતા જાનથી મારી નાંખવાની ધમકી આપી ફરાર થઈ ગયા હતા.

કમળા ચોકડી પાસેથી પકડાયેલા વિદેશી દારૂમાં નડિયાદના જાણીતા બુટલેગરોના નામ ખૂલતાં ફરિયાદ

કપડવંજ: બે મકાનમાંથી તસ્કરો ૧.૩૨ લાખની મત્તા ચોરી ફરાર

કઠલાલ: કાણીયેલમાં બે ખેતર પાડોશી વચ્ચે બાઈક લઈને જવાની બાબતે ઝઘડો : બે ઘાયલ

સોશિયલ મીડિયામાં ભડકાઉ નિવેદન વાયરલ કરનાર આરએસએસના કાર્યકરની ધરપકડ

ખાત્રજ: પૂર્વ પ્રેમીએ યુવતિના ભાવિ પતિને ફોટા મોકલીને સગાઈ તોડાવ્યાની ફરિયાદ

ઠાસરાના ભદ્રાસાના યુવકની કાર ભાડે આપવાનું કહીને મિત્રએ વેચી દેતા ૪ સામે ફરિયાદ

નડિયાદમાં ઉત્તરસંડા રોડ પર ગાડીએ ટક્કર મારતાં બાઈક ચાલકનું મોત

ડાકોરની પરિણીતા વીઆઈપી સ્ટાઈલમાં રહેતી ન હોવાનું કહીને એનઆરઆઈ સાસરિયાઓએ ત્રાસ ગુજારી કાઢી મૂકી