મણિપુરમાં સ્થિતિ તંગ
અમારા લોકોને પરેશાન ન કરો, અત્યાર સુધીમાં ૭૦ થી વધુ લોકોના મોત: નાગા જૂથ
પૂર્વોત્તર ભારતના સૌથી મોટા વિદ્રોહી જૂથે મણિપુરમાં મૈતેઈ અને કુકી સમુદાયના લોકોને નિર્ણય લેવા કહ્યું
મણિપુરમાં છેલ્લા કેટલાક દિવસોથી સ્થિતિ તણાવપૂર્ણ છે. ત્યાંથી દરરોજ હિંસાના સમાચારો સામે આવી રહ્યા છે. હવે પૂર્વોત્તર ભારતના સૌથી મોટા વિદ્રોહી જૂથે મણિપુરમાં મૈતેઈ અને કુકી સમુદાયના લોકોને નિર્ણય લેવા કહ્યું છે કે તેમની વચ્ચેના પરસ્પર સંઘર્ષની અસર રાજ્યમાં રહેતા નાગા લોકોને ન થવી જોઈએ. નેશનાલિસ્ટ સોશ્યલિસ્ટ કાઉન્સિલ ઓફ નાગાલેન્ડ એનએસ સીએન(આઇએમ)એ જાહેર કરેલા એક નિવેદનમાં જણાવ્યું હતું કે કેટલાક કુકી લોકોએ એક ગામ પર હુમલો કર્યો જ્યાં કોમ સમુદાયના લોકો રહે છે. આ કોમ સમુદાય એક નાગા જનજાતિ છે જેના લોકો મણિપુરના કાંગથેઈમાં રહે છે.એનએસસી એન(આઇએમ)એ કહ્યું, અમારા મૈતેઈ ભાઈઓ અને કુકીના લોકોએ તેમને કોઈપણ રીતે ખલેલ પહોંચાડવી જોઈએ નહીં. પરંતુ તે ખૂબ જ અફસોસ સાથે છે કે એક કોમ ગામ કાંગથેઈ કુકીના લોકોના હુમલા હેઠળ આવ્યું હતું, જેના કારણે ત્યાં રહેતા સ્થાનિક લોકોને તે જગ્યા ખાલી કરીને બીજે કયાંક જવાની ફરજ પડી હતી.
નાગાલેન્ડના વિદ્રોહી જૂથ એનએસસીએન(આઇએમ)નો કેન્દ્ર સરકાર સાથે યુદ્ધવિરામ કરાર છે અને તેણે ભારતીય સેનાને તેના તમામ કેમ્પ વિશે જાણ કરવાની છે. વર્લ્ડ ચેમ્પિયન મહિલા બોક્સર મેરી કોમ પણ આ કોમ જનજાતિની છે. આ એનએસસીએન(આઇએમ) માટે નોંધપાત્ર છે કારણ કે નાગાઓ મણિપુરની રાજધાની ઇમ્ફાલ ખીણમાં અને તેની આસપાસ રહેતા મૈતેઈ અને પહાડીઓમાં રહેતા કુકી જાતિઓ વચ્ચેના વંશીય સંઘર્ષમાં સામેલ થયા નથી. અનુસૂચિત જનજાતિ વર્ગમાં સમાવેશ કરવાની માગને લઈને તેમની વચ્ચે જાતિય હિંસા ચાલુ છે. મહિનાની શરૃઆતમાં એટલે કે ૩ મેથી શરૃ થયેલી હિંસામાં અત્યાર સુધીમાં ૭૦ થી વધુ લોકોના મોત થયા છે. મોટી સંખ્યામાં લોકોને ઘર છોડવાની ફરજ પડી છે. કોમ ગામની ઘટના અંગે, એનએસસીએન(આઇએમ)એ કહ્યું, આવી હિંસા પરિસ્થિતિને તંગ બનાવશે જેનો માનવતા અને શાંતિપૂર્ણ સહઅસ્તિત્વ ખાતર તાત્કાલિક અંત થવો જોઈએ. ૯૦ ના દાયકાની શરૃઆતમાં, કુકી અને નાગા લોકો વચ્ચે હિંસક અથડામણ થઈ હતી. કુકીએ નાગા લોકો પર તેમની જમીન હડપ કરવાનો આરોપ લગાવ્યો, બંને વચ્ચેની હિંસામાં બંને જાતિના ઘણા લોકોએ જીવ ગુમાવ્યા.