Sardar Gurjari

૨૬-૨-૨૦૧૪, બુધવાર

મુખ્ય સમાચાર :
કરમસદના શખ્સની પ્રધાનમંત્રી આવાસ યોજનાના નામે અટલાદરાની મહિલા સાથે રૂા.૮૦ હજારની છેતરપિંડી
અધિકારીઓ સાથે ઓળખાણના નામે દિગેશ રાઠોડે પોતાના બેંક ખાતામાં ચેક ભર્યા બાદ ગાયબ થઇ જતા ફરિયાદ
24/09/2023 00:09 AM Send-Mail
વડોદરાના અટલાદરા વુડાના મકાનમાં રહેતી મહિલા સાથે પ્રધાનમંત્રી આવાસ યોજનામાં મકાન આપવાની લાલચે કરમસદના ઇસમે ૮૦ હજારની છેતરપિંડી આચરી હોવાની ફરિયાદ પોલીસ મથકે નોંધાઇ છે.

મળતી વિગતોમાં અટલાદરા માધવનગર વુડાના મકાનમાં રહેતા ઉષાબેન વાય. વણકરે માંજલપુર પોલીસ સ્ટેશનમાં ફરિયાદ નોંધાવી હતી કે તેમના પતિ ભાયલી ખાતે સિકયુરીટી ગાર્ડ તરીકે નોકરી કરે છે. ગત ઓગસ્ટ ર૦ર૩માં મારા પતિના નોકરીના સ્થળે દિગેશ સુરેશભાઇ રાઠોડ (રહે. હરી સ્મૃતિ બંગ્લોઝ, કરમસદ, હાલ પાદરા) બેસવા માટે આવતા તેની સાથે ઓળખાણ થઇ હતી.

દરમ્યાન દિગેશ રાઠોડે પ્રધાનમંત્રી આવાસ યોજનાના મકાનની વહંેચણી કરતા અધિકારીઓ સાથે મારે સારી ઓળખાણ છે, તમારે કોઇને મકાન જોઇતું હોય તો સસ્તામાં અપાવીશ તેવી લાલચ આપી હતી. આ વાતને ધ્યાને લઇને મકાન મળવાની લાલચમાં ઉષાબેનના પતિ યોગેશભાઇએ તૈયારી બતાવી હતી. આથી આવાસ યોજનામાં કુપન મળશે તેવો વિશ્વાસ અપાવીને દિગેશે મકાનના એડવાન્સપેટે રુ. પ હજાર લીધા હતા. ત્યારબાદ ઉષાબેને અન્ય રકમ રૂ.૭પ હજાર ચેક દ્વારા આપી હતી. જે ચેક દિગેશે તેના વ્યકિતગત બેંક ખાતામાં જમા કરાવી દીધો હતો. ત્યારબાદ દિગેશે યોગેશભાઇની નોકરીના સ્થળે અવરજવર બંધ કરી દીધી હતી અને તેઓના ફોન પણ ઉપાડતો નહતો.આથી ઉષાબેન અને તેમના પતિએ દિગેશના ઘરે પણ જઇને તપાસ કરવા છતાં તે મળી આવ્યો નહતો. આથી પોતાની સાથે ૮૦ હજારની છેતરપિંડી થયાની માંજલપુર પોલીસ મથકે ફરિયાદ નોંધાવતા પોલીસે ગૂનો નોંધી વધુ તપાસ હાથ ધરી છે.

પેટલાદ : દંતેલી સીમની હોટલ પાસે ટ્રક ચાલકે પરિણીતા ઉપર દુષ્કર્મ ગુજારતા ફરિયાદ

દંતેલી પાટીયા પાસે પાર્કીંગ લાઈટ વગર ઉભેલી ટ્રકની પાછળ બાઈક ઘુસી જતા ચાર ઘાયલ

બોરસદ સીમમાંથી ૨૧ જેટલા ગાય,બળદ અને વાછરડાને કતલ થતા બચાવાયા

ચીખોદરા ચોકડી પાસે અજાણ્યા વાહનની ટક્કરે આધેડનું મોત

બાકરોલ સીમમાંથી આધેડનો ડી કમ્પોઝ થઈ ગયેલી લાશ મળી : હત્યાની આશંકા

ખંભાત : અકીકના ધંધા માટે મિત્રતામાં ઉછીના ૧.પ૦ લાખ પેટેના ચેક પરત કેસમાં ૧ વર્ષની કેદ, રૂ.૧૦ હજાર દંડ

ધુવારણ : દાગીના છોડાવવા કુટુંબી કાકા પાસેથી ઉછીના ૧.રપ લાખનો ચેક રીટર્ન કેસમાં ૧ વર્ષની કેદ, રૂ.૧૦ હજાર દંડ

આણંદ : ઈનસાઈડ સર્વિસ સેન્ટરમાં ૧.૬૦ લાખની મત્તાની ચોરી કરનાર બે શખ્સો ઝડપાયા