Sardar Gurjari

૨૬-૨-૨૦૧૪, બુધવાર

મુખ્ય સમાચાર :
નડિયાદ : મહેળાવની ત્રિપુટીએ ૧૮ લાખ લઈ જમીન વેચાણ દસ્તાવેજ ન કરી આપતા ફરિયાદ
૨૨ ગુંઠા જમીનનો સોદો ૩૦ લાખમાં થયો હતો, ૧૪ લાખ ત્રણ ચેકથી અને ૪ લાખ રોકડા ચૂકવવા છતાં વેચાણ દસ્તાવેજ કરી આપ્યો નહોતો
26/11/2023 00:11 AM Send-Mail
પેટલાદ તાલુકાના મહેળાવની ત્રિપુટીએ નડિયાદના વકીલને જમીન વેચાણ આપવાનું જણાવીને રૂા. ૧૮ લાખ લઈને બાદમાં પાકો વેચાણ દસ્તાવેજ ન કરી આપતા સમગ્ર મામલે વકીલે નડિયાદ ટાઉન પોલીસમાં ત્રિપુટી સામે ફરિયાદ નોંધાવી હતી.

મળતી માહિતી અનુસાર નડિયાદ શહેરમાં નવા રાવપુરામાં વહેરાઈ માતાના ખાંચામાં રહેતા ૬૫ વર્ષિય નરેશભાઈ ઘનશ્યામભાઈ બારોટ વકીલના વ્યવસાય સાથે સંકળાયેલા છે. તેઓને વર્ષ ૨૦૧૭માં પોતાના માતા અને અન્ય મિત્રો માટે જમીન વેચાણ લેવા માટે શોધમાં હતા. આ દરમ્યાન તેમણે મહેળાવમાં રહેતા તેમના મિત્ર જતીન કનુભાઈ પટેલને વાત કરી હતી. જેથી જતીન પટેલે પોતાના ભાઈ જીગjેશ પટેલ સાથે સંયુક્ત માલિકીની મહેળાવ સીમમાં આવેલ જમીન ખાતા નં. ૨૬૬૧ના રે.સર્વ બ્લોક નં. ૨૫૦૯ની ૨૨ ગુંઠા જગ્યા બતાવી હતી. આ જમીન નરેશ બારોટને પસંદ પડતા તેનો ૩૦ લાખ વેચાણ ભાવ નક્કી કરાયો હતો. જ્યારે જમીન ખાતા નં. ૨૬૬૧ના રે.બ્લોક સર્વ નં. ૨૭૬૬ના ૪૧ ગુંઠાવાળી જગ્યા પણ બતાવતા તેનો ૪૦ લાખમાં સોદો નક્કી કર્યો હતો. ૨૦૧૭માં આ બંને જગ્યા નરેશભાઈને પોતાના માતા અને મિત્રોના નામે વેચાણ લેવાનું નક્કી કર્યું હતું. જતીન અને જીગ્નેશે આ બંને જમીનના ૧૪ લાખ બાના પેટે માંગ્યા હતા. જેથી નરેશભાઈએ પોતાના અને માતાના જોઈન્ટ એકાઉન્ટના ૩ ચેક આપી ૧૪ લાખ ચૂકવી આપ્યા હતા. આ પછી બંને જમીનના વેચાણ બાનાખત આણંદ જિલ્લાના પેટલાદ સબ રજીસ્ટ્રાર કચેરીમાં કરાયા હતા.

આ પછી જમીન વેચાણ કરનાર જતીન પટેલ,કામિનીબેન જતીન પટેલ અને જીગjેશ પટેલ નરેશભાઈના ઘરે આવતા જતા હતા અને યોગ્ય સમયે જમીનનું વેચાણ કરી આપશે તેમ જણાવતા હતા. બાનાખત કર્યાના ૭ મહિના બાદ નરેશભાઈ પોતાના અન્ય મિત્ર સાથે ઘરે હતા તે વખતે ઉપરોક્ત ત્રણેય લોકો નરેશભાઈના ઘરે પહોંચ્યા હતા. જ્યાં નરેશભાઈ પાસે જમીનના કાગળો ક્લિયર કરવા માટે ૪ લાખની માંગણી કરી હતી. જેથી નરેશભાઈએ મિત્રની હાજરીમાં ૪ લાખ ચૂકવ્યા હતા. આમ લગભગ ૧૮ લાખ રૂપિયા ચૂકવ્યા બાદ પણ હજુ સુધી જમીનનો પાક્કો દસ્તાવેજ ત્રણેય ઈસમોએ નરેશભાઈને કરી આપ્યો નથી. જેથી નરેશભાઈએ જતીન પટેલ, કામિનીબેન પટેલ અને જીગjેશ પટેલ (ત્રણેય રહે. મહેળાવ) વિરૂદ્ઘ નડિયાદ ટાઉન પોલીસમાં ફરિયાદ આપતાં પોલીસે છેતરપિંડીનો ગુનો નોંધી તપાસ હાથ ધરી છે.

નડિયાદ : એક્સપ્રેસ હાઈવે પાસે લક્ઝરી બસ પલ્ટી જતાં બેનાં મોત : ૨૫ ઘાયલ

ખેડા : સ્ટાફ તરીકેના બનાવટી આઇકાર્ડ દ્વારા એસ.ટી.બસમાં વગર ટિકિટે મુસાફરી કરનારને ૩ વર્ષની કેદની સજા

નડિયાદ : ક્લિનીકના મેડિકલ સ્ટોરનોે વહિવટ કરતી યુવતીએ ૧૦ લાખની ચોરી કરતા ફરિયાદ

કઠલાલમાં મહિલાએ મોબાઈલ પર રીલ્સ જોતાં ગમી ગયેલ કુર્તિ ખરીદવા જતાં રૂા.૩૨૦૦ ગુમાવ્યા

કઠલાલ નજીકથી એસટી બસનો ડ્રાઈવર દારૂ પીધેલી હાલતમાં પકડાયો

કઠલાલના અમદાવાદ-ઈન્દોર હાઈવે પર ટેન્કરે બાઈકને અડફેટે લેતાં ૨ મિત્રોના મોત

નડિયાદ : બસ સ્ટેન્ડમાંથી મહિલાની ચેઈન તોડનાર મહેમદાવાદની પાકિટમાર મહિલા પકડાઈ

મહુધા નજીક ભુલીભવાની પાટીયા પાસે એસટી બસે બાઈક ચાલકને અડફેટે લેતાં મોત