Sardar Gurjari

૨૬-૨-૨૦૧૪, બુધવાર

મુખ્ય સમાચાર :
સેવાલિયા નજીક ટ્રાવેલ્સની બે બસો અથડાતા ૨૫ મુસાફરોને ઈજા : સદનસીબે કોઈ જાનહાનિ નહીં
-બન્ને બસોને ક્રેઈનની મદદથી છુટી પડાઈ : ઘવાયેલા મુસાફરોને અમદાવાદ તેમજ ગોધરાની હોસ્પિટલોમાં સારવાર માટે લઈ જવાયા -રોડ ઉપર પડેલા મોટા-મોટા ખાડાઓને કારણે અક્સ્માત સર્જાયો હોવાનો સ્થાનિકોનો મત
29/11/2023 00:11 AM Send-Mail
સેવાલિયા પાસેથી પસાર થતા અમદાવાદ-ઈન્દોર હાઈવે પર આજે સવારે બે ટ્રાવેલ્સની બસો વચ્ચે અકસ્માત સર્જાયો હતો. જેમાં અંદાજીત ૨૫ થી વધુ મુસાફરો ઘાયલ થયા છે. આ બંને બસોને ક્રેઈન મારફતે છુટી પાડવામાં આવી હતી. તો આ બનાવમાં કોઈ મોટી જાનહાનિ થઈ નથી. તમામ ઘાયલ મુસાફરોને અમદાવાદ તથા ગોધરા હોસ્પિટલ ખાતે સારવાર અર્થ ખસેડવામાં આવ્યા છે.

મળતી માહિતી મુજબ ગળતેશ્વર તાલુકાના મેનપુરા સીમમાંથી પસાર થતા અમદાવાદ-ઈન્દોર હાઈવે પર આજે મંગળવારે વહેલી સવારે બાલાસિનોર તરફના રોડ પર બે ટ્રાવેલ્સ બસો વચ્ચે અકસ્માત થયો છે. આ અકસ્માતમાં બંને બસોમાં સવાર ૨૫થી વધુ મુસાફરોને નાની-મોટી અને કેટલાકને ગંભીર ઈજાઓ પહોંચી છે. અકસ્માત સર્જાતા જ નજીકથી સ્થાનિકો દોડી આવ્યા હતા અને પોલીસ તેમજ ૧૦૮ની ટીમને જાણ કરી દીધી હતી. જ્યાં સ્થાનિકો અને પોલીસની મદદથી ઘાયલોને નજીકની ગોધરા સિવિલ હોસ્પિટલ અને આ તરફ ગંભીર ઈજાગ્રસ્તોને અમદાવાદ સિવિલ હોસ્પિટલમાં ખસેડાયા છે. જો કે આ ઘટનામાં કોઈ મુસાફરનું મોત થયાનું જાણવા મળ્યું નથી. સ્થાનિકોના જણાવ્યા મુજબ એક બસ ઉજ્જૈનથી પરત ફરી અમદાવાદના નરોડાના મુસાફરોને ઉતારવા જતી હતી.

જ્યારે બીજી બસના મુસાફરો મધ્યપ્રદેશથી જોમજોધપુર જઈ રહી હતી. આ દરમિયાન આ અકસ્માત સર્જાયો હતો. વધુમાં સ્થળ પર હાજર સ્થાનિકોએ જણાવ્યું કે જે સ્થળ પર અકસ્માત થયો, ત્યાં રોડ પર ખૂબ મોટા અને અકસ્માત સર્જે તેવા ખાડાઓ પડેલા છે. વહીવટી તંત્ર દ્વારા આ ખાડા પૂરવાની તસ્દી ન લેતા અહીંયા અવાર-નવાર નાના-મોટા અકસ્માતો થતા હોય છે ત્યારે આ બસો વચ્ચે થયેલો અકસ્માત પણ ખાડાના કારણે થયો હોવાનું લોકો જણાવી રહ્યા છે.

નડિયાદ : એક્સપ્રેસ હાઈવે પાસે લક્ઝરી બસ પલ્ટી જતાં બેનાં મોત : ૨૫ ઘાયલ

ખેડા : સ્ટાફ તરીકેના બનાવટી આઇકાર્ડ દ્વારા એસ.ટી.બસમાં વગર ટિકિટે મુસાફરી કરનારને ૩ વર્ષની કેદની સજા

નડિયાદ : ક્લિનીકના મેડિકલ સ્ટોરનોે વહિવટ કરતી યુવતીએ ૧૦ લાખની ચોરી કરતા ફરિયાદ

કઠલાલમાં મહિલાએ મોબાઈલ પર રીલ્સ જોતાં ગમી ગયેલ કુર્તિ ખરીદવા જતાં રૂા.૩૨૦૦ ગુમાવ્યા

કઠલાલ નજીકથી એસટી બસનો ડ્રાઈવર દારૂ પીધેલી હાલતમાં પકડાયો

કઠલાલના અમદાવાદ-ઈન્દોર હાઈવે પર ટેન્કરે બાઈકને અડફેટે લેતાં ૨ મિત્રોના મોત

નડિયાદ : બસ સ્ટેન્ડમાંથી મહિલાની ચેઈન તોડનાર મહેમદાવાદની પાકિટમાર મહિલા પકડાઈ

મહુધા નજીક ભુલીભવાની પાટીયા પાસે એસટી બસે બાઈક ચાલકને અડફેટે લેતાં મોત