Sardar Gurjari

શુક્રવાર, તા. ૧૯ એપ્રિલ, ૨૦૨૪, ચૈત્ર સુદ ૧૧, વિ.સં. ૨૦૮૦, વર્ષ -૨૩, અંક -૩૦૦

મુખ્ય સમાચાર :
કઠલાલમાં મહિલાએ મોબાઈલ પર રીલ્સ જોતાં ગમી ગયેલ કુર્તિ ખરીદવા જતાં રૂા.૩૨૦૦ ગુમાવ્યા
ગઠિયાએ જુદા-જુદા બહાને સ્કેનર મોકલીને કરેલી ઓનલાઈન છેતરપિંડી
24/02/2024 00:02 AM Send-Mail
કઠલાલની મહિલાએ મોબાઈલ પર રીલ્સ જોતાં સમયે એક કૂર્તિ પસંદ પડતા તેણે આ કુર્તિ ખરીદવા માટે પોતાના પતિને જાણ કરતા મહિલાના વેપારી પતિએ પત્નીને પસંદ પડેલ કુર્તી ખરીદમાં ઓનલાઈન રૂા. ૧૨૦૦ મોકલ્યા હતા. ત્યારબાદ ટુકડે ટુકડે બીજા ૩૨૦૦ સામેવાળા ગઠિયાએ પડાવી લીધા બાદ પણ કુર્તીના મોકલી ઠગાઈ કરતા આ બાબતે પોલીસમાં ફરિયાદ નોંધાઈ હતી.

મળતી માહિતી અનુસાર કઠલાલ શહેરમાં બસ સ્ટેશન પાછળ વૃંદાવન સોસાયટીમાં રહેતા પુલકીતભાઈ રમેશભાઈ જોષી શહેરના મેઈન બજારમાં ગીફ્ટ આર્ટિકલ્સની દુકાન ધરાવે છે. તેમની પત્ની વાણીબેન ગત ૨૧ ફેબ્રુઆરીના રોજ પોતાના ઈન્સ્ટાગ્રામ આઈડી પર રીલ્સ જોતા હતા તે સમયે એક કુર્તિની રીલ્સ જોઈ હતી. જેમાં એક કુર્તિ ગમી જતાં તેણીએ તેના ફોટોગ્રાફ્સ પોતાના પતિ પુલકીતભાઈને મોકલ્યા હતા. પુલકિતભાઈએ તેમાં માંગેલી વિગતો ભરી પોતાની પત્નીને મોકલી આપી હતી. જે બાદ એક અજાણ્યા નંબર પરથી વોટ્સએપ આવેલ અને જણાવ્યું હતું કે હું કુર્તિનો મેનેજર બોલું છું. તમારી કુર્તિનો ઓર્ડર કન્ફર્મ થયેલ છે. જે કુર્તિના રૂા. ૧૨૦૦ તમારે ઓનલાઈન પેમેન્ટ કરવા પડશે હું તમને એક સ્કેનર મોકલું છું તેમાં નાણાં જમા કરાવી દેજો તેમ કહી ઉપરોક્ત વોટ્સએપ પર સ્કેનર મોકલેલ હતું.

જે સ્કેનર તેણીએ પોતાના પતિ પુલકિતભાઈને મોકલી આપતા પુલકિતભાઈએ ૧૨૦૦ રૂા. પેમેન્ટ કરી દીધા હતા. થોડી વાર પછી ફરીથી વાણીબેન પર મેસેજ આવ્યો હતો કે તમારો ઓર્ડર કન્ફર્મ થયેલ છે પરંતુ ઓર્ડરનું પેમેન્ટ પેન્ડિંગ થયેલ છે. જેથી તમે રૂા. ૨૦૦૦ નાખો તો ૧૦ મિનિટમાં તમને રીફંડ મળશે અને તમારો કૂર્તિનો ઓર્ડરનો ટ્રેકિંગ આઈડી બારકોડ તમને મોકલી આપીશ. જેથી વાણીબેને પોતાના પતિ પુલકિતભાઈ મારફતે આ માંગેલી રકમ આપી હતી. આ બાદ પણ પોસ્ટ ઓફિસ ચાર્જ સહિતના ચાર્જ પેટે રૂા. ૩૩૨૫ નાંખશો તો તમારી કૂર્તિ મોકલી આપીશ તેમ કહેતાં પુલકિતભાઈને પોતાની સાથે છેતરપિંડી થઈ હોવાનો અહેસાસ થતાં ગતરોજ આ સંદર્ભ કઠલાલ પોલીસમાં ફરિયાદ આપતાં પોલીસે આઈટી એક્ટ હેઠળ ગુનો નોંધી કાયદેસરની તપાસ હાથ ધરી છે.

માતર : સોખડાના યુવક મિત્ર સાથે મળી બ્રાન્ડેડ કંપનીના ઓનલાઈન બુટ ખરીદીને ૮૪ લાખની કરેલી છેતરપિંડી

નડિયાદ : અકસ્માતમાં ૧૦નાં મોત બાબતે કાર અને ટેન્કર ચાલક બંને વિરદ્ઘ ફરિયાદ નોંધાઈ

નડિયાદ : એક્સપ્રેસ હાઈવે ઉપર ટેન્કર પાછળ કાર ઘૂસી જતાં ૧૦ના મોત

વસો : દિલ્હીથી કેનેડાની એર ટિકીટ રદ બદલ રૂ. ૬૬,૧૮૩ રિફંડ, કાનૂની વળતર પેટે ૧ લાખ ચૂકવવા બ્રિટીશ એરવેઝને ગ્રાહક કોર્ટનો હૂકમ

મહેમદાવાદના મોદજમાં સામાન્ય મુદ્દે દેરાણીને જેઠાણી સહિત ચાર શખ્સોએ માર મારતા ફરિયાદ

મહેમદાવાદ : હલધરવાસમાં કાકી સાથેના આડા સંબંધને લઈ પત્નીને પતિએ ઘરમાંથી કાઢી મુકતા ફરિયાદ

માતર : રતનપુર ગામે વિધવાના બંધ મકાનમાંથી તસ્કરો ૧.૯૨ લાખના સોના-ચાંદીના દાગીના ચોરી ફરાર

નડિયાદ : કંપનીના બે સિક્યુરીટી ગાર્ડ સહિત ચાર ઈસમો કંપનીમાં ચોરી કરતા પકડાયા