Sardar Gurjari

૨૬-૨-૨૦૧૪, બુધવાર

મુખ્ય સમાચાર :
સુરત : ૨૦૦૦ કરોડની સરકારી જમીન ગણોતિયાના નામે કરી બિલ્ડરને વેચી દેવાનું કૌભાંડ
-સરકારે તત્કાલિન કલેકટરે કરેલ હુકમ સામે મનાઈ હુકમ ફરમાવ્યો
24/05/2024 00:05 AM Send-Mail
સુરત નજીક આવેલા ડુમસમાં સરકારી માલિકીની અંદાજે રૃ. ૨૦૦૦ કરોડના મૂલ્યની સર્વે નંબર ૩૧૧-૩ હેઠળની રૃ.૧૭ લાખ ચોરસ મીટર સરકારી માલિકીની જમીન ગણોતિયા કૃષ્ણમુખલાલ ભગવાનદાસ શ્રોફને નામે ચઢાવી દઈને બિલ્ડરને વેચી દેવાનું કૌભાંડ આચરવામાં આવ્યું છે. સરકારી જમીન પર ખેતી કરનારને ગણોતધારાની કલમ ૪ હેઠળ જમીનને માલિકી મળતી ન હોવા છતાં જમીનની માલિકી તબદિલ કરવામાં આવેલી છે. ગણોતિયાને માલિક બનાવવાનું કોઈપણ પ્રકારનું પ્રશુપત્ર પણ ઈશ્યૂ કરવામાં નું આવ્યું હોવા છતાં ગણોતિયાને નામે જમીન ચઢાવી દેવામાં આવી છે. આ અંગે ગુજરાતના મુખ્યમંત્રી ભૂપેન્દ્ર પટેલ, વિજિલન્સ કમિશન, ગાંધીનગરના મહેસૂલ વિભાગ અને સામાન્ય વહીવટ વિભાગને પણ એક ફરિયાદ કરવામાં આવી છે.

ફરિયાદ મળતા ગુજરાત સરકારે તત્કાલિન જિલ્લાકલેક્ટર આયુષ ઓકે કરેલા હુકમ સામે મનાઈ ફરમાવી દીધી છે. આ મુદ્દે મહેસુલ વિભાગના સ્પેશિયલ સેક્રેટરી મહેસૂલ વિભાગ દ્વારા આવતીકાલે આ કેસની સુનાવણી હાથ ધરવાના હોવાનું જાણવા મળી રહ્યું છે. આ કૌભાંડમાં મોટા ભૂમાફિયા અને રાજકારણીઓની સંડોવણી હોવાની આશંકા વ્યક્ત કરવામાં આવી રહી છે.

રેવન્યુ રેકોર્ડમાં નામ દાખલ કરવાની સત્તા વાસ્તવમાં મહેસૂલ અધિકારીના હાથમાં હોય છે. જમીનમાં નાખ દાખલ કરતાં પૂર્વ અધિકારીએ કારણદર્શક નોટિસ ઈશ્યૂ કરવાની વિધિ પણ ન કરી હોવાનું બહાર આવ્યું છે. તેમ જ ધારાધોરણો પ્રમાણે પુરાવાઓ લીધા વિના જ ગણોતિયાને નામે સરવે નંબર ૩૧૧-૩ની જમીન ચઢાવી દેવામાં આવી છે. ત્યારબાદ ૨૦૦૫ની સાલમાં રાજેન્દ્ર શાહ, ધર્મેન્દ્ર શાહ અને સુગમચંદ શાહને નામે જમીન ચઢાવી દેવામાં આવી હતી. નિયમ મુજબ સરકારી જમીન પર ગણોતિયાનું નામ નહીં. ગણોતધારાની કલમ ૪માં જણાવ્યા મુજબ કોઈ વ્યક્તિ બીજાની જમીન ખેડતો હોય તો તેને ગણોતિયા તરીકે ધ્યાનમાં લેવામાં આવે છે. પરંતુ સરકારી જમીનમાં ખેતી કરવાથી ગણોતિયો બની જાય તે અંગેનો કોઈ જ ઉલ્લેખ કલમ ૪માં કરવામાં આવેલો નથી. પરંતુ સરકારી જમીન પચાવી પાડવા માટે જ કલમ-૪નો ખોટી રીતે ઉપયોગ કરવામાં આવ્યો છે. ગણોતિયા ધારાની કલમનો ઉપયોગ ગેરકાયદેસર રીતે કરવામાં આવી છે. કલેક્ટર આયુષ ઓકે બદલી થવાના એક દિવસ પહેલા ફાઈલને મંજૂર કરી દઈ કૌભાંડ આચર્યું હોવાનું માનવામાં આવે છે. આ કૌભાંડ અંગે કોગ્રેસના ધારાસભ્ય તુષાર ચૌધરીએ મુખ્યમંત્રી ભૂપેન્દ્ર પટેલને ફરિયાદ કરી છે. ફરિયાદમાં જણાવવામાં આવ્યું છે કે જમીનને બિનખેતીની કરાવવા માટે જિલ્લા કલેક્ટર કચેરીએ કાર્યવાહી કરી ત્યારે પ્રાંત અધિકારીની તપાસ દરમિયાન જમીન સરકારની માલિકીની હોવાનું જાણવા મળ્યું. ગુજરાત હાઈકોર્ટમાં પિટિશન કરવામાં આવી તે પછી ૨૦૧૫માં પણ સિટી પ્રાંતે આપેલા જમીનના રિપોર્ટમાં જમીન સરકારી માલિકીની હોવાનું અને ખોટી રીતે ગણોતિયાના નામે ચઢાવી હોવાનું જણાવવામાં આવ્યું હતું. મુખ્ય સચિવ રાજકુમારે મહેસૂલ વિભાગની આ કેસમાં ઊંડાણપૂર્વકની તપાસ કરાવવાનો આદેશ આપી દીધો છે. સુરત ભાજપના મોટા માથાની સંડોવણી આ કૌભાંડમાં હોવાનું ચર્ચાઈ રહ્યું છે. કૃષ્ણમુખલાલને ગણોતિયા તરીકે પ્રસ્થાપિત કરતો મામલતદારનો કે પછી કૃષિ પંચનોં કોઈ ઓર્ડર જ રેકોર્ડ પર નથી. આમ ગણોતધારની કલમ ૩૨-૨માં કરવામાં આવેલી જોગવાઈ મુજબ મામલતદાર તરીકે ગણોતિયાને જમીન માલિક બનાવવાનું કોઈ જ નોટિફિકેશન ઈશ્યૂ કરવામાં આવેલું નથી. છતાં કૃષ્ણમુખલાલના નામે જમીન ચઢાવી સરકારી જમીન હડપ કરી લેવામાં આવી છે. તત્કાલન કલેક્ટર આયુથ આકે બદલીના બે દિવસ અગાઉ જ ગમોતિયાનોના નામ દાખલ કરવાનો હુકમેં કર્યો હતો. ગણોતધારાની કલમ ૩૨-જી હેઠળ જમીનની માલિકી તબદિલ કરવા માટે જમા કરાવવાની થતી રકમ પણ જમા કરાવવામાં આવેલી નથી. જમીનના માલિકે સરકારને કોઈ જ રકમની ચૂકવણી પણ કરી નથી. આ સંજોગમાં તત્કાલીન કલેક્ટરને તત્કાળ સસ્પેન્ડ કરવાની પણ માગણી કરવામાં આવી છે. તેમ જ આ કેસમાં તપાસ કરવા સ્પેશિયલ ઈન્વેસ્ટિગેશન ટીમની રચના કરવાની માગણી કરવામાં આવી છે.