કઠલાલ : ફાગવેલ પાસેથી ૬.૯૧ લાખના વિદેશી દારૂ બીયર સાથે બોલેરો પીકઅપનો ચાલક ઝડપાયો
વિદેસી દારૂની નાની મોટી ૪૬૨૦ બોટલો તેમજબીયરના ૨૪૦ ટીન મળી આવ્યા
ખેડા એલસીબી પોલીસે કઠલાલ નજીક વોચ ગોઠવીને અમદાવાદ તરફ જતી પીકઅપ ગાડીને ઝડપી પાડી તેમાંથઈ ૬.૯૧ લાખનો વિદેશી દારૂનો જથ્થો જપ્ત કરીને પ્રોહીબીશન ધારાની જુદી-જુદી કલમો હેઠળ ગુનો દાખલ કરીને કાર્યવાહી હાથ ધરી છે.
મળતી માહિતી અનુસાર ખેડા જિલ્લા લોકલ ક્રાઈમ બ્રાન્ચ પોલીસે ગતરોજ કઠલાલના ફાગવેલ પાસે વોચ ગોઠવી હતી. આ દરમ્યાન બાલાસિનોરથી અમદાવાદ તરફ જતી બોલેરો પીકઅપ ગાડી નં. જીજે-૨૭, ટીટી-૫૨૭૧ને શંકાના આધારે અટકાવી હતી. પોલીસે વાહન ચાલકની પૂછપરછ કરતા તેણે પોતાનુું નામ હીરાસીંગ લ-મણસીંગ પટવા (રહે. મણીનગર, અમદાવાદ) હોવાનું જણાવ્યું છે. પોલીસે વાહનની તલાસી હાથ ધરતાં તેમાંથી વિદેશી દારૂની નાની મોટી બોટલો નંગ ૪૬૨૦ની મળી આવી હતી. જેની કિંમત રૂા. ૬,૬૭,૦૫૬ તેમજ બીયર ટીન નંગ ૨૪૦ કે જેની કિંમત રૂા. ૨૪ હજાર થવા જાય છે તે મળી કુલ રૂા. ૬,૯૧,૦૫૬ રૂપિયાનો વિદેશી દારૂ જપ્ત કર્યો હતો. પોલીસે ૩ લાખની કાર મળી કુલ રૂા. ૯,૯૧,૦૫૬નો મુદ્દામાલ કબ્જે કરી આ વિદેશી દારૂ ક્યાંથી ભરી લાવવામાં આવ્યો હતો અને ક્યાં ડિલીવરી કરવાનો હતો તે દિશામાં તપાસ કરવા માટે પકડાયેલા ચાલકના રીમાન્ડ મેળવવાની તજવીજ હાથ ધરી છે.