ચૂંટણી આયોગે સુપ્રીમ કોર્ટમાં દાખલ કરેલ એફીડેવિટમાં જણાવ્યું હતું કે, ફોર્મ ૧૭સી(દરેક મતદાન મથક પર થયેલ મતદાનનો રેકોર્ડ)ના આધાર પર મતદાન ડેટાનો ખુલાસો કરવાથી મતદારો વચ્ચે ભ્રમ પેદા થશે, કારણ કે તેમાં બેલેટ પેપરની ગણતરી પણ સામેલ હોય છે. વધુમાં કહયું હતું કે, એવો કોઇ કાયદો નથી કે જેના આધાર પર તમામ મતદાન કેન્દ્રોનો ફાઇનલ ડેટા જાહેર કરવા કહી શકાય. ફોર્મ ૧૭સી ફકત પોલિંગ એજન્ટને અપાય છે. તે કોઇ અન્ય વ્યકિત કે સંસ્થાને આપવાની અનુમતિ નથી. ફોર્મ ૧૭સી તે પ્રમાણપત્ર છે જેને જિલ્લાધિકારી પ્રમાણિત કરીને દરેક ઉમેદવારોને આપે છે. આયોગે જણાવ્યું હતું કે, કેટલીક વખત હાર-જીત વચ્ચેનું અંતર ખૂબ ઓછું હોય છે. સામાન્ય મતદાન ફોર્મ ૧૭સીના અનુસાર બુથ પર થયેલ કુલ મતદાન અને બેલેટ પેપરને આસાનીથી સમજી શકાતા નથી. જેમાં તેનો ખોટી રીતે દૂરપયોગ ચૂંટણી પ્રકિયા પર કલંક લગાવવા માટે પણ થઇ શકે છે, જેનાથી વર્તમાન ચૂંટણીમાં અવ્યવસ્થા ફેલાઇ શકે છે.