સોજીત્રા તાલુકાના બાલીન્ટા ગામની વીરા તલાવડી સીમ વિસ્તારમાં બે વર્ષ અગાઉ ગાળો બોલવાની ના પાડનાર વ્યકિત પર ઉશ્કેરાઇ જઇને લાકડાના દંડાથી માર મારીને ઇજા પહોંચાડવાના ગુના બદલ કોર્ટે એક વ્યકિતને ૩ વર્ષની સખ્ત કેદ અને રૂ. ૧પ હજાર દંડ કર્યો હતો. મળતી વિગતોમાં ગત ૬ જૂન,ર૦રરના રોજ પુનમભાઇ ચુનારા, કાંતિભાઇ ચુનારા, મહેશભાઇ ચુનારા અને સુરેશભાઇ ચુનારા (તમામ રહે. બાલીન્ટા, વીરા તલાવડી) ભેગા મળીને ગોરધનભાઇ સોલંકી અને રાજેશભાઇને ગાળો બોલતા હતા. જેઓને ગાળો બોલવાની ના પાડતા ઉશ્કેરાયેલ પુનમભાઇએ ગોરધનભાઇને માથાના ભાગે લાકડાનો દંડો તેમજ મહેશભાઇએ રાજુભાઇને લાકડના દંડાથી માર મારી ઇજા પહોંચાડી હતી. જયારે સુરેશભાઇએ મગનભાઇના હાથની આંગળીઓમાં માર મારી ઇજા પહોંચાડી હતી. આ અંગે સોજીત્રા પોલીસ સ્ટેશનમાં ફરિયાદ નોંધાવતા પોલીસે ચારેય વ્યીકતઓ સામે ઇપીકો કલમ ૩ર૩, ૩ર૪, પ૦૪, પ૦૬(ર) મુજબ ગૂનો દાખલ કર્યો હતો. ત્યારબાદ તપાસકર્તા અધિકારીએ ૩ સપ્ટે.ર૦રરના રોજ કોર્ટમાં ચાર્જશીટ રજૂ કર્યુ હતું. કોર્ટમાં તમામ આક્ષેપોનો આરોપીઓએ ઇન્કાર કર્યો હતો. કોર્ટમાં બંને પક્ષો દ્વારા દલીલો, મૌખિક-લેખિત પુરાવા સહિતના દસ્તાવેજી પુરાવા રજૂ કરાયા હતા. આ કેસમાં કોર્ટે નોંધ્યું હતું કે, આરોપી કાંતિભાઇ, મહેશભાઇ અને સુરેશભાઇએ ફરિયાદી તથા સાહેદોને મારક હથિયાર વડે ઇજા પહોંચાડીને ઇપીકો કલમ ૩ર૩, ૩ર૪ સાથે વાંચતા કલમ ૧૧૪ મુજબના ગુના પૂરતા અને નિ:શંક પુરાવાથી પૂરવાર કરવામાં પ્રોસી. પક્ષ નિષ્ફળ નીવડયાનું માનું છું. આ કેસમાં ગતરોજ ન્યાયાધીશ ઝંખના ત્રિવેદી (ત્રીજા અધિક સેશન્સ જજ,પેટલાદ)એ હૂકમ કર્યો હતો. જેમાં ક્રિ.પ્રો.કોડની કલમ ર૩પ(ર)ની જોગવાઇ અનુસાર આરોપી પુનમભાઇ ખોડાભાઇ ચુનારાને ઇપીકો કલમ ૩રપના ગુના સબબ ત્રણ વર્ષની સખ્ત કેદની સજા અને રૂ. ૧૫ હજાર દંડ, દંડ ભરવામાં કસૂર કરે તો વધુ છ માસની સાદી કેદની સજાનો હૂકમ કર્યો હતો. કાંતિભાઇ ચુનારા, મહેશભાઇ ચુનારા અને સુરેશભાઇ ચુનારાને ઇપીકો કલમ ૩ર૩, ૩ર૪, પ૦૪,પ૦૬(ર), ૧૧૪ મુજબના ગુનાના કામેથી શંકાનો લાભ આપીને છોડી મૂકવાનો હૂકમ કર્યો હતો.