અલગ-અલગ તલાટી કમ મંત્રી તેમજ ગ્રામ પંચાયતના કુલ ૨૫ રબ્બર સ્ટેમ્પ, જુનું લેપટોપ, પ્રીન્ટર, કાળા તેમજ સફેદ કલરનું રબ્બર સ્ટેમ્પ મશીન, બ્લેક કલરની ૧૧ નેગેટેવ પ્રીન્ટ, બટર પેપર, નેગેટીવ સીટ, ૫ બેંક શીટ, ડબલ ગમ પટ્ટીની કાપેલી સીટ, પારદર્શક કાગળનો રોલ, ૫૦ ગ્રામ ગાઢ પ્રવાહી, પાવડર ભરેલા ડબ્બા, અલગ-અલગ ગ્રામ પંચાયતના નમુના નંબર ૪ની ૯ વેરા પાવતીઓ, ૭ આકારણીપત્રક, વાડોલા ગ્રામ પંચાયતનો દાખલો, પ્લાસ્ટીકના કોરા સ્ટેમ્પ સિક્કા નંગ ૨૪ અને મોબાઈલ ફોનનો સમાવેશ થાય છે.

પેટલાદના ટાઉન પીઆઈ એ. વી. પરમારના જણાવ્યા અનુસાર મોટાભાગે તે ખાનગી બેંકોમાંથી જ જે તે ગ્રાહકોને લોનો અપાવવાનું કામકાજ કરતો હતો. બેંકો સીમ વિસ્તારમાં રહેતા લોકોનો લોનો આપતા નથી, જેથી પકડાયેલો રૂષિલકુમાર પટેલ ગ્રામ પંચાયતના આકારણીપત્રકમાં સીમ વિસ્તારની જગ્યાએ મહોલ્લો કે સોસાયટી કરી દઈને તેના ઉપર તલાટી કમ મંત્રીના બનાવટી રબ્બર સ્ટેમ્પ મારી દઈને તેનો સાચા તરીકે ઉપયોગ કરીને બેંકમાં રજુ કરીને લોન અપાવી દેતો હતો.

પેટલાદ શહેર પોલીસે બોગસ દસ્તાવેજો-સ્ટેમ્પના આધારે લોનો અપાવનાર રૂષિલકુમાર પટેલની ધરપકડ કરીને આજે સાંજના સુમારે કોર્ટમાં રજુ કર્યો હતો. જ્યાં તેણે કઈ-કઈ બેંકોમાંથી કેટલાની લોનો કોના-કોના નામે અપાવી છે? બેકના કોઈ કર્મીની સંડોવણી છે કે કેમ? રબ્બર સ્ટેમ્પ બનાવવાનું કોની પાસેથી અને ક્યારે શીખ્યું? બીજા કોઈને રબ્બર સ્ટેમ્પો બનાવી આપ્યા છે કે કેમ? વગેરે બાબતોની તપાસ માટે સાત દિવસના રીમાન્ડની માંગણી કરી હતી. પરંતુ કોર્ટે ચાર દિવસના રીમાન્ડ મંજુર કર્યા હતા. રીમાન્ડ મળતાં જ પોલીસે આરોપીને સાથે રાખીને તમામ જગ્યાઓએ તપાસ હાથ ઘરી છે.