પાટણમાં બાસ્કેટ બોલ સ્પર્ધા રમવા ગયેલી આણંદની ટીમના એક ખેલાડી સહિત ૩ દારૂની પાર્ટી માણતાં ઝડપાયા
આણંદથી ૧૨ ખેલાડીઓની ટીમ ગુજરાત સ્ટેટ બાસ્કેટ બોલ સ્પર્ધા રમવા પાટણ ગઈ હતી : પાટણની હેમચંદ્રાચાર્ય ઉત્તર ગુજરાત યુનિવર્સિટીની ઋષા હોસ્ટેલમાં ઉતારો અપાયો હતો : ખેલાડી જગનભાઇ પાટણ સ્થિત તેના બે મિત્રો સાથે વિદેશી દારૂની મહેફિલ માણતો હતો
પાટણમાં ગુજરાત સ્ટેટ બાસ્કેટ બોલ સ્પર્ધા રમવા માટે આવેલી આણંદની ટીમનો એક ખેલાડી પાટણના બે સ્થાનિક મિત્રો સાથે હેમચંદ્રાચાર્ય ઉત્તર ગુજરાત યુનિવર્સિટીની ઋષા હોસ્ટેલના રૃમ નંબર છમા વિદેશઈ દારૃની મહેફિણ માણતા આખી ડીમને એક વર્ષ માટે ડીસ્કવોલીફાય કરી દેવામાં આવી હતી.
પ્રાપ્ત વિગતો અનુસાર ગુજરાત સ્ટેટ બાસ્કેટબોલ એસોસિએશન દ્વારા પાટણ રમત ગમત સંકુલ ખાતે બાસ્કેટબોલ સ્પર્ધાનું આયોજન કરાયું હતું. જેમાં ગુજરાત ભરના ખેલાડીઓ આ બાસ્કેટબોલ સ્પર્ધામાં ભાગ લેવા આવ્યા હતા. ત્યારે બાસ્કેટબોલ સ્પર્ધામાં ભાગ લેનાર મોટાભાગના વિદ્યાર્થીઓને હેમચંદ્રાચાર્ય ઉત્તર ગુજરાત યુનિવર્સિટીની ઋષા બોયઝ હોસ્ટેલમાં રાખવામાં આવ્યા હતા.ત્યારે ગતરોજ રાત્રીના સમયે હોસ્ટેલના રૃમ નંબર ૬ માં કેટલાક વિદ્યાર્થીઓ રૃમમાં મોટા અવાજે ગીતો વગાડી ડાન્સ કરી રહ્યા હતા ત્યારે અવાજ જોઈને હોસ્ટેલના વોર્ડન આવ્યા હતા અને દરવાજો ખોલાવ્યો હતો. ત્યારે દરવાજો ખોલતા જ ત્રણ શખ્સો દારૃની મહેફિલ માણતા જોવા મળ્યા હતા.હોસ્ટેલના વોર્ડને તેઓને આવું ન કરવા અટકાવ્યા હતા, જેથી ત્રણેયે ઉશ્કેરાઈ જઈ તેમની સાથે બોલાચાલી કરી હતી. એટલું જ નહિ, પોતાની ગાડી લઈ ભાગવાનો પ્રયાસ કર્યો હતો. આ દરમ્યાન યુનિવર્સિટીનો મેન ગેટ સિકયોરિટી દ્વારા બંધ કરી દેવાતા ગાડી ઉભી રખાઈ હતી, ત્યારે ફરજના સિકયુરિટી ગાર્ડે ગાડીમાંથી ત્રણેયને પકડીને પોલીસને હવાલે કર્યા હતા. જો કે તેમના વિરૃદ્ધ કોઈ ગુનો દાખલ કરવામાં આવ્યો નહતો.
હોસ્ટેલના રેક્ટર લાડજી ઠાકોરના જણાવ્યા અનુસાર ગત સાંજના સમયે સિકયુરિટી ગાર્ડ દ્વારા મને જાણ કરવામાં આવી હતી કે રૃમ નંબર ૬માં ખેલાડીઓ દ્વારા મોટા અવાજે ગીતો વગાડી રહ્યા અને કાંઈક થઇ રહ્યું છે. ત્યાર બાદ હું ત્યાં હોસ્ટેલ ખાતે પહોંચી રૃમ નંબર ૬ ખખડાવ્યો હતો. રૃમ અંદરથી ખોલતા ૬ જેટલાં ખેલાડીઓ દારૃની મહેફિલ માણતા હોવાનું સામે આવ્યું હતું. જેથી મેં પૂછયું કે, આ શું કરી રહ્યા છો. તો તે ખેલાડીઓ મારી સાથે અસભ્ય વર્તન કરી મને રૃમમાં પુરી દીધો હતો. મારાં સિકયુરિટી ગાર્ડ દ્વારા રૃમ ખોલી મને બહાર કાઢવામાં આવ્યો હતો. આ બાબતની જાણ મેં ઓર્ગેનાઇઝર વિનોદ ચૌધરીને કરી હતી.
ત્યાર બાદ દારૃ પીધેલ હાલતમાં ખેલાડી ગાડી લઈ મારા પર ચઢાવવાનો પ્રયાસ કર્યો હતો પણ તેમાં મારો બચાવ થયો હતો. તો ઘટનાને લઇ યુનિવર્સિટીના તમામ ગેટ બંધ કરવા મેં સૂચના આપી હતી. આ બાબત ની જાણ યુનિવર્સિટી કુલપતિ અને પોલીસને કરવામાં આવી. પોલીસ તાત્કાલિક ધોરણે ઘટના સ્થળે પહોંચી હતી અને યુવકોને ઝડપી પાટણ બી ડિવિઝન પોલીસ મથકે લઇ ગઈ હતી. જ્યાં મેં દારૃ પીધેલ ખેલાડીઓ વિરુદ્ધ લેખિત અરજી આપી હતી. પકડાયેલા ત્રણ પૈકી આણંદની ટીમનો ખેલાડી જગનભાઈ હોવાનું તેમજ અન્ય બે તેના પાટણ સ્થિત મિત્રો હોવાનું જાણવા મળ્યું છે. ઘટના બાદ આણંદની ટીમના ડિસ્ક્વોલિફાય કરાઈ હતી. બીજી તરફ પોલીસ દ્વારા આ અંગે કોઈ ગુનો દાખલ કરવામાં ના આવતાં પાટણના ધારાસભ્ય કિરિટભાઈ પટેલે ભુખ હડતાળ ઉપર બેસવાની પણ ચીમકી ઉચ્ચારી છે.