ખેડા જિલ્લા પોલીસ માટે અઢી વર્ષ પહેલા બનેલો આ બનાવ પડકારરૃપ હતો. અને દર મહિને બે મહિને મળતી ક્રાઈમ કોન્ફરન્સમાં આ બનાવનો રીવ્યુ લેવાતો હતો. એટલે ખેડા જિલ્લા પોલીસ માટે આ બનાવ ભૂલાયો ન હતો. એમાંય વળી વાસદ નજીકથી મળેલા બિન વારસી બાળકનો ફોટો ખેડા એલસીબીમાં ફરજ બજાવતા હેડ કોસ્ટેબલ પ્રદિપસિંહ પાસે આવ્યો હતો. તેણે આ બાળકની આંખો જોઈ અને તેના મગજમાં ઝબકારો થયો કે આવી મળતી આંખો કાંઈક તો જોઈએ છે. એટલે તેણે ગુમ થયેલા બાળકોના ફોટા મળ્યા. ત્યારે ખુશીની આંખો સાથે આ આખો મેચ થતી જોઈ અને તેણે બાળક બાબતે વધુ માહિતી મેળવવા પ્રયત્ન કર્યો અને કડી મળતી હોવાની શંકા જતા પોતાના ઉપલા અધિકારીઓને જાણ કરી. ત્યારબાદ આ સમગ્ર બનાવ અને તાજેતરમાં જ રામનગર સીમમાં બનેલા હત્યાના પ્રયાસના ગુનાના ભેદ ઉકેલાઈ જવા પામ્યા હતા.

રામનગર સીમમાંથી ગત ૭મી તારીખના રોજ બપોરના સુમારે બન્ને પગે ઘવાયેલી હાલતમા મળેલા કનૈયાની પિતા ઉદય દ્વારા ગળુ દબાવીને હત્યા કરવાનો પ્રયાસ થયાનો ઘટસ્ફોટ થતાં વાસદ પોલીસે આ અંગે દંપત્તિ વિરૂદ્ઘ હત્યાના પ્રયાસનો ગુનો દાખલ કરીને કાર્યવાહી હાથ ઘરી હતી. ખેડા એલસીબી પોલીસે પત્નીની હત્યામાં ઝડપી પાડેલા ઉદયરાજ પ્રેમચંદ પટેલની પુછપરછ કરતા તે પત્ની શાયરાબાનુ ઉર્ફે પુજાની હત્યા હાથથી ગળુ દબાવીને હત્યા કરી નાંખ્યા બાદ પુત્રી ખુશી કોઈને કહી દેશે તેમ માનીને તેણીનું પણ ગળz દબાવીને ત્યાં જ ફેંકી પુત્ર કનૈયાને લઈને નીકળી ગયો હતો. જો કે ખુશી બચી જવા પામી હતી. ત્યાંથી એક્સપ્રેસ હાઈવેથી તે વડોદરા પહોંચ્યો હતો અને ત્યાંથી ટ્રેન મારફતે પોતાના વતન ઉત્તરપ્રદેશ જતો રહ્યો હતો. ત્યાં મજુરી કરીને જીવન ગુજરાન ચલાવતો હતો.દરમ્યાન સને ૨૦૨૪માં તેણે સમાજના રિત-રિવાજ મુજબ પ્રતાપગઢ જિલ્લાના સરાય ચૌહાબી ગામની ગ્યાન્તી છગ્ગુભાઈ પટેલ નામની યુવતી સાથે લગj કર્યા હતા. લગj બાદ પત્નીને તેણે એક દિકરો હોવાનું જણાવ્યું હતુ.જો કે ગ્યાન્તીએ કોઈ વાંધો લીઘો નહોતો. ત્યારબાદ ઓગષ્ટ-૨૦૨૪માં ઉદય પત્ની ગ્યાન્તી અને સાળા શિવમ સાથે અમદાવાદ આવી ગયા હતા અને ભાડેના મકાનમાં રહીને એબ્રોડરીના કારખાનામાં મજુરી કરીને જીવન ગુજરાન ચલાવતા હતા. દરમ્યાન કનૈયા આજુબાજુના ઘરે ગમે ત્યાં સંડાસ તેમજ પેશાબ કરી દેતો હતો. તેમજ પૈસા પણ ચોરી કરી લેતો હતો. જેથી પત્ની સાથે મળીને તેને મારી નાંખવાનું નક્કી કર્યુ હતુ. જે અનુસાર ગત ૭મી તારીખના રોજ વડોદરા રહેતા મામાના દિકરાની સાથે કનૈયાને વતન મોકલી દેવાનો છે તેમ સાળા શિવમને જણાવીને ઉદય અને ગ્યાન્તી કનૈયાને લઈને સવારે નવેક વાગ્યે ઘરેથી નીકળી ગયા હતા.રીક્ષામાં બેસીને સીટીએમ આવીને ત્યાંથી ભાડાની પેસેન્જર ગાડીમાં વડોદરા જવાનું કહીને એક્સપ્રેસ હાઈવે ઉપર આવેલા રામનગર સીમમાં ઉતરી ગયા હતા. ત્યાંથી કનૈયાને લઈને એક્સપ્રેસ હાઈવે ઉપર ચાલતા ચાલતા જતા હતા. દરમ્યાન આજુબાજુ કોઈ ના દેખાતા કનૈયાનું ગળુ દબાવીને એક્સપ્રેસ હાઈવેથી તેન નીચેની તરફ ધક્કો મારીને બન્ને રોડની સામેની સાઈડે આવી ગયા હતા અને ત્યાંથી પીકઅપ વાનમાં સવાર થઈને અમદાવાદ જતા રહ્યા હતા.