તમિલનાડુ સરકારે બજેટ ડોક્યુમેન્ટમાંથી રૂપિયાનું ચિહ્ન હટાવ્યું
રૂપિયાનું પ્રતીક ડીએમકે નેતાના પુત્ર દ્વારા બનાવવામાં આવ્યું હતું
તમિલનાડુમાં ચાલી રહેલા ભાષા વિવાદ વચ્ચે સ્ટાલિન સરકારે મોટો નિર્ણય લીધો છે. બજેટ દરમિયાન, સરકારે રૂપિયાના ચિહ્નને હટાવીનેતેના સ્થાને નવું ચિહ્ન મૂકયું છે. રૂપિયાનું ચિહ્ન સત્તાવાર રીતે સમગ્ર દેશમાં અપનાવવામાં આવે છે. હવે સ્ટાલિન સરકાર એક અલગ ચિહ્ન લઇને આવી છે. તેણે બજેટ દરમિયાન એક નવું ચિહ્ન પણ બહાર પાડયું છે. દેશભરમાં રૂપિયાનું નવું ચિહ્ન જાહેર થયા બાદ, તમિલનાડુ એવું પહેલું રાજય છે જેણે અલગ ચિહ્ન જારી કર્યુ છે.
સ્ટાલિન સરકારનું આ પગલું એવા સમયે આવ્યું છે જયારે હિન્દી ભાષાને લઇને લાંબા સમયથી વિવાદ ચાલી રહ્યો છે. તાજેતરમાં, એમકે સ્ટાલિને સોશિયલ મીડિયા પર એક પોસ્ટમાં કહ્યું હતું કે સમગ્ર દેશમાં હિન્દી ઓળખ સ્થાપિત કરવાના પ્રયાસોને કારણે, પ્રાચીન ભાષાઓ લુપ્ત થઇ રહી છે. બિહાર અને ઉત્તર પ્રદેશ કયારેય હિન્દીભાષી વિસ્તારો નહોતા.હવે તેમની મૂળ ભાષા ભૂતકાળનું પ્રતીક બની ગઇ છે.
ભાજપે તમિલનાડુ સરકારના આ નિર્ણયની નિંદા કરી છે. ભાજપના પ્રવકતાએ કહ્યું કે એમકે સ્ટાલિનની પાર્ટીના ભારતથી અલગ થવાનું વલણ બતાવે છે.ભાજપના નેતા નારાયણન તિરુપતિએ જણાવ્યું હતું કે રૂપિયાના ચિહ્નને વ્યાપકપણે ભારતના ચિહ્ન તરીકે ઓળખવામાં આવે છે.
ભાજપના પ્રદેશ અધ્યક્ષ અન્નમલાઇએ રાજય સરકારના આ નિર્ણયની ટીકા કરી છે. સાથે જ તેમણે સ્ટાલિન સરકારના આ નિર્ણયને મૂર્ખામીભર્યુ પગલું ગણાવ્યું છે. તેમણે કહ્યું કે એક તમિલિયન અને ડીએમકેના ભૂતપૂર્વ ધારાસભ્યના પુત્રએ રૂપિયાનું પ્રતીક ડિઝાઇન કર્યુ છે.
સમગ્ર ભારતમાં રૂપિયાનું ચિહ્ન અપનાવવામાં આવ્યું છે, જે ૨૦૦માં સરકાર દ્વારા અપનાવવામાં આવ્યું હતું. તે પ્રખ્યાત ડિઝાઇનર ઉદયકુમાર ધર્મલિંગમ દ્વારા ડિઝાઇન કરવામાં આવેલું છે, જેઓ તમિલનાડના જ છે. આ ચિહ્ન ભારતીય ત્રિરંગા પર આધારતિ હોવાથી તેને રાષ્ટ્રીય માન્યતા મળી છે. પરંતુ હવે તમિલનાડુ સરકારે તેને બદલી નાખ્યું છે, જેને તમિલ ભાષામાં રૂપિયાનું પ્રતીક માનવામાં આવે છે.
રાજકીય વિશ્લેષકો માને છે કે તમિલનાડુ સરકારે રૂપિયાના ચિહ્નને બદલીને તમિલ ઓળખને વધુ મજબૂત કરવાનો પ્રયાસ કર્યો છે. ડીએમકે સરકાર પહેલાથી જ જ હિન્દી લાદવાની વિરૂદ્ઘ છે અને ઘણી વખત કેન્દ્ર સરકારની ભાષા નીતિનો વિરોધ કરી ચૂકી છે.