અમેરિકામાં હજારો લોકોએ રાષ્ટ્રપતિ આવાસ ઘેર્યુ, તમામ ૫૦ રાજયોમાં વિરોધ પ્રદર્શન
પોસ્ટરમાં લખ્યું - ટ્રમ્પને અલ સાલ્વાડોરની જેલમાં ધકેલો
અમેરિકી રાષ્ટ્રપતિ ટ્રમ્પની નીતિઓ વિરૂદ્ઘ શનિવારે ફરી એકવાર હજારો વિરોધીઓ રસ્તા પર ઉતરી આવ્યા હતા. આ દેખાવો તમામ ૫૦ રાજયોમાં થયા હતા. વિરોધીઓ ટ્રમ્પના ટેરિફ વોર નીતિઓ અને સરકારી નોકરીઓમાં છટણીનો વિરોધ કરી રહ્યા છે.
આ સમય દરમિયાન વિરોધીઓએ રાષ્ટ્રપતિના નિવાસસ્થાન વ્હાઇટ હાઉસને ઘેરી લીધું. લોકોએ ટ્રમ્પ પર સભ્યતા અને કાયદાના શાસનને કચડી નાખવાનો આરોપ લગાવ્યો. આ ચળવળને ૫૦૫૦૧ નામ આપવામાં આવ્યું છે, જેનો અર્થ થાય છે ‘૫૦ વિરોધ, ૫૦ રાજયો, ૧ આંદોલન’
વ્હાઈટ હાઉસ ઉપરાંત વિરોધીઓએ ટેસ્લાના શોરૂમને પણ ઘેરી લીધો હતો. ટ્રમ્પ વિરૂદ્ઘ વિરોધ પ્રદર્શન્નો આ બીજો તબક્કો છે. આ પહેલા ૫ એપ્રિલે દેશભરમાં ટ્રમ્પ વિરૂદ્ઘ વિરોધ પ્રદર્શન થયા હતા.
રાજધાની વોશિંગ્ટન ડીસી સહિત તમામ રાજયોમાં વિરોધ પ્રદર્શનોનું મુખ્ય કારણ રાષ્ટ્રપતિ ડોનાલ્ડ ટ્રમ્પ અને ઉદ્યોગપતિ ઇલોન મસ્કની આક્રમક નીતિઓ છે. ઇલોન મસ્કનો કાર્યક્ષમતા વિભાગ સરકારી વિભાગોમાં સતત છટણી કરી રહ્યો છે.
અત્યાર સુધીમાં હજારો સરકારી કર્મચારીઓને તેમની નોકરીમાંથી કાઢી મૂકવામાં આવ્યા છે. બીજી તરફ ટ્રમ્પની ઇમિગ્રન્ટસ સામે કાર્યવાહી કરવાની અને અન્ય દેશો પર ટેરિફ લાદવાની કડક નીતિ પણ આ વિરોધ પ્રદર્શનોનું એક મુખ્ય કારણ છે.
ટ્રમ્પના ટેરિફ યુદ્ઘને કારણે અન્ય દેશોાંથી અમેરિકા આવતા માલના ભાવમાં વધારો થયો છે. આની સીધી અસર સામાન્ય લોકોના ખિસ્સા પર પડી રહી છે.